«الكيف كل حياته».. شروق لـ محكمة الأسرة : مبيصرفش على عياله وفلوسه للمخدرات
بعد سنين من الزواج تواجدت شروق في محكمة الأسرة وهي لازالت مقهورة عما ضاع من عمرها بسبب زوجها الذي لم يكفيه ان طوال حياتها معه كانت هي التي تتحمل المسؤولية وهو لم يساعدها أبدا في مسؤولية البيت أو الأطفال لكن اتجه للمخدرات ودمر أسرتها وجعلها تتوجه لمحكمة الأسرة بعد يأسها من الحياة معه.
قصص محكمة الأسرة.. اتجوزت بعد قصة حب
قالت «شروق» في بداية حديثها : «أنا متجوزة من 14 سنة معايا 3 أولاد من جوزي ودلوقتي سايبني أنا وعياله بقاله 4 سنين، أنا وهو اتجوزنا بعد ما كنا نعرف بعض من زمان واتجوزنا بعد قصة حب كبيرة وقفنا جنب بعض وجهزنا بيتنا اللي اتجوزتا فيه».
حكايات محكمة الأسرة.. جوزي مبيشتغلش وقاعد في البيت
تابعت «شروق» حديثها قائلة: «مشاكلي معاه بدأت من بعد الخلفة كان مش بتاع شغل ومبيصرفش علينا من زمان ولو صرف بيصرف قليل أنا اللي كنت بشتغل وبصرف على البيت وهو نايم مبيتحركش وحجته انه مش ملاقي شغل مناسب، وصبرت عليه على امل انه يتعدل في يوم من الأيام لكن مفيش فايدة وسكت عشان البيت ميتخربش».
دعاوي محكمة الأسرة.. جوزي مش راضي يبطل المخدرات
أضافت «شروق»: «لحد ما اكتشفت أن جوزي بيشرب مخدرات من بعد الجواز بكام سنة، لما عرفت اتضدمت انه ازاي يعمل كدة لكن مكنش في ايدي حاجا اعملها، مش راضي يبطل المخدرات مهما اتكملت معاه وعملت مشاكل، حتى اخواته ودوه المصحة عشان يتعالج رجع يشرب تاني واكتر من الأول، لحد من 4 تقريبا احتفى ومكنتش عارفة حتى راح فين أو بيعمل ايه»
قضايا محكمة الأسرة..عايشة مع عيالي ومش عايزاه
أنهت «شروق» حديثها قائلة: «لحد ما جيت عشان ارفع قضية خلع ورافعاها عليه بقالي فترة أنا مكنتش برضى عشان خاطر ولادي بس دلوقتي أنا عرفت مكانه وهو مش راضي يرجع عشان ميسالش ولا يشيل اي مسؤولية وليه دماغه للمخدرات ولسه عايز يرجع وميتغيرش وأنا اللي بصرف وبشتغل قاعدة في بيتي أنا وعيالي وبصرف عليهم ومبقتش عايزاه».
تابع أحدث الأخبار عبر
