محكمة الأسرة اليوم
رحاب: اتجوز تاني بعد 3 أشهر من ارتباطنا وقالي مبحبهاش بس واعدها بالجواز
قصدت رحاب أبواب محكمة الأسرة بعد 22 عاما بالتمام والكمال على ارتباطها بزوجها، وخلال تلك المدة حاولت التأقلم مع الزوج والتغاضي عن خياناته المتكررة، ولكن فاض بها الكيل وقررت وضع حد لحياتها الزوجية، وذلك في دعوى طلاق للضرر بعد ما أدركت أن أكبر خطأ ارتكبته هو التغاضي عن هفواته منذ الشهور الأولى لهما.
قصص محكمة الأسرة.. اتجوز علي في ثالث شهر
"قالي أنا اتجوزت عليكي واحنا لسة في تالت شهر جواز".. بهذه الكلمات روت رحاب قصتها لقاضي محكمة الأسرة، مؤكدة على حبه الشديد لها قبل الزواج وإصراره على الزواج منها، وتسترجع الزوجة شريط حياتها وتقول: "كنا مع بعض في الكلية وهو كلمني وقالي إنه عايز يتجوزني وانا مكنتش اعرفه أصلا وكان بالنسبالي حد عادي مبحبهوش بس هو صمم يتجوزني وانا وافقت لما لقيته بيحبني أوي كدا، وخلصنا الكلية واتجوزنا على طول".
واعدها بالجواز من أيام خطوبتنا
3 أشهر بالتمام والكمال وفوجئت بزواجه من أخرى: "كان كويس معايا من ساعة ما اتجوزنا بس مكناش كملنا الشهر التالت في الجواز ولقيته بيقولي أنا اتجوزت عليكي، كنت فاكراها بيهزر وقعدت اهزر معاه أنا كمان قالي أنا بتكلم بجد أنا اتجوزت عليكي"، تستكمل رواياتها قائلة: "مكنتش مصدقة خالص اللي هو بيقوله ومكنتش عارفة اعمل بس قعدت واتكلمت معاه براحة عشان افهم منه بالظبط اية اللي بيحصل ولقيته بيقولي أنا مبحبهاش ومكنتش عايز اتجوزها بس أنا كنت واعدها بالجواز في أيام خطوبتنا أنا وانتي".
قضايا محكمة الأسرة.. رحاب في دعوى طلاق للضرر
لم تدرك ماذا تفعل في هذا الوقت، ولكن الأهل كانوا العامل الذي جعلها تعود لمنزلها سريعًا حتى لا تفكر في الطلاق، تابعت: "أهلي مخلونيش حتى أخد موقف ورجعوني البيت علطول وقالولي مينفعش تسيبي بيتك انتي لسة متجوزة الناس تقول عليكي اية"، لتنصاع رحاب لكلام أهلها لعل الأمور تتغير فيما بعد ولكن لم يتغير الحال بل ساء الوضع ما جعلها تلجأ إلى محكمة الأسرة من أجل رفع دعوى طلاق للضرر في عامها الثاني والعشرون من الزواج بعدما كرر الزوج خيانته أكثر من مرة، أنهت حكاياتها قائلة: "أكبر غلط عملته في حياتي اني رجعت البيت بسهولة في خيانته الأولى ليا من غير ما أخد أي موقف عشان هو دا اللي خلاه يكررها مرة واتنين وتلاتة".
تابع أحدث الأخبار عبر
