محكمة الأسرة اليوم
«الخيانة في دمه».. حنان لـ محكمة الأسرة: طليقة أخويا حليت في عينه
قصدت حنان محكمة الأسرة بعدما عانت من خيانات لا حصر تحملتها من أجل الحفاظ على المنزل والأولاد، ولكن تمادى الزوج وجعلها تترك المنزل بعد 40 عامًا حاولت معه بشتى الطرق على أمل الحفاظ على أسرته.
حكايات محكمة الأسرة.. مطلع عيني من ساعة ما اتجوزته
"متجوزاه بقالي 40 سنة ومستحملة عيشته معايا"، كانت هذه الكلمات الأولى التي بدأت بها حنان رواياتها لقاضي محكمة الأسرة مؤكدة أنها صبرت كل هذه السنوات من أجل الحفاظ على أسرتها من الخراب على أمل تغير الأوضاع في يوم من الأيام.
تابعت: "من ساعة ما اتجوزنا واحنا في مشاكل كتير وخاني كتير بس كنت بعدي عشان خاطر البيت والعيال بس مكنش بيتقل الله فيا، غير الخيانات اللي ملهاش أول ولا آخر وكنت برجع للبيت تاني عشان البيت ميتخربش".
قصص محكمة الأسرة.. حاطط عينه على طليقة أخويا
تغاضت الزوجة عن مشكلات كثيرة من بداية الزواج على أمل تغير زوجها ولكن كانت الخلافات تمادى بسبب خيانات الزوج اللانهائية، تستكمل حنان رواياتها: "بيخوني من وأنا لسة عروسة وعديت كنت فاكراها مرة وخلاص بس كل شوية اقفشه لحد ما زهقت بس برضو كنت بقول البيت والعيال ومينفعش اطلب الطلاق".
قضايا محكمة الأسرة.. حنان في دعوى نفقة
أضافت: “كل مرة يوعدني إنها أخر مرة وإنه مش هيخوني تاني بس عادي بيرجع ولا كأنه في حاجة، هو عشان عارف إني بستحمل عادي بيخوني تاني وتالت، بس اللي مقدرتش استحمله لما عرفت إنه حاطط عينه على طليقة أخويا وعايز يتجوزها وفعلا اتجوزها”.
تفاقمت المشكلات وطلبت حنان الطلاق ولكنه رفض ما جعلها تترك المنزل، أنهت رواياتها قائلة: "سايب البيت بقاله سنتين وراح اتجوز طليقة أخويا ومن ساعتها وهو ميعرفش عننا حاجة ولا بيصرف جنيه ولما قلت له أنا عايز مصاريف قالي اجبلك منين، رفعت عليه قضية نفقة لما لقيته مفيش فايدة فيه".
تابع أحدث الأخبار عبر
