أخبار محكمة الأسرة
قضايا محكمة الأسرة.. إسراء: بيتحجج أهالي وخايف يجي يطلقني
قضية خلع سبب تواجد إسراء في محكمة الأسرة بعد فشل زواجها الذي بني على قصة حب بعد تعرف الزوجين على بعضهم عن طريق محل عملهم، وبعد الزواج بسنتين بدأ الزوج في التغير وبدأ في خيانته لزوجته، توجهت لمحكمة الأسرة حتى تنهي حياتها معه.
قصص محكمة الأسرة.. اتجوزنا بعد قصة حب
قالت «إسراء» في بداية حديثها: «أنا متجوزة بقالي ٨ سنين، ومخلفة من جوزي ولد وبنت، اتجوزت عن طريق قصة حب بيني انا وبجوزي انا اتعرفت عليه عن طريق الشغل كنا بنشتغل سوا وهو كان كويس جدًا ومحترم وكان بيهتم بيا جدا عشان كدة حبيته، وجه واتقدملي واهلس كانوا رافضين في الأول لكن بعد كدة وافقوا عشان لقوني عايزاه».
دعاوي محكمة الأسرة.. العلاقة بين أهلي وجوزي متوترة
أكملت «إسراء» حديثها وقالت: «بعد الجواز الدنيا كانت ماشية وكل حاجة كانت كويسة، هو كان زوج كويس وأب كويس، انا وهو كنا لسه بنشتغل بس هو اللي كان بيصرف اغلب الوقت، العلاقة بينه وبين أهلي كانت مش أحسن حاجة لكن مكنش حد بيعمل مشاكل مع التاني عشان خاطر العيال والبيت ميتخربش».
حكايات محكمة الأسرة.. جوزي طلع بيخوني
تابعت «إسراء» حديثها قائلة: «بعد فترة من الجواز من سنتين تقريبا، لقيته متغير وعلى طول بيتكلم في التليفون وعامله باسورد معرفش افتحه، شكيت فيه وواجهته أنكر في الأول وقال انه مش بيخوني، لحد ما ركزت معاه وتأكدت إنه بيخوني ولما اتكلمت معاه قالي هيتعدل ويبقى كويس، وصدقته ساعتها ووافقت أفضل معاه ومسيبتوش عشان بيتي وولادي».
قضايا محكمة الأسرة.. خايف يجي يطلقني
أنهت «إسراء» حديثها قائلة: «لحد ما لقيت لن مفيش فايدة معاه ومش هيبطل اللي بيعملوا وهيفضل يخوني، ساعتها سيبت البيت ورحت عند اهلي بقالي كام شهر اهو، ولما طلبت منه يجي يطلقني مجاش بحجه انه خايف يجي يعد مع ابويا، هو بيعمل كدة عشان يتهرب من المواجهه عشان عارف انه غلطان، حاولت معاه كتير انه يطلق مبقاش يرد عليا حتى وعايش حياته مع اللي كان يعرفهم عليا وانا زهقت من الوضع ده وقرىت اجي ارفع عليه قضية خلع ».
