أخبار محكمة الأسرة اليوم
عامر لـ محكمة الأسرة : مشاكلها كتير وسابت البيت وحرماني من العيال
كان عامر في محكمة الأسرة بسبب زوجته التي دمرت أسرتها بسبب عندها وأنانيتها ، لم يقضي الزوج مع زوجته سوى ثلاث سنوات فقط ومنذ زواجه منها كانت حياته معها يملأها التوتر وعدم الراحة، وبالرغم من صبر الزوج عليها حتى ينصلح حالها وحتى لا يدمر نفسية أولاده، لكن ما وجده منها هو القسوة والغدر واضطر أن يتوجه لمحكمة الأسرة بسببها.
قصص محكمة الأسرة..اتجوزت مراتي جواز صالونات ومعرفهاش كويس
قال «عامر» في بداية حديثه: «أنا متجوز من من 3 سنين ومعايا من مراتي ولدين تؤام، اتجوزنا عن طريق جواز الصالونات مكنتش أعرفها كويس قبل الجواز بس لما تقدمتلها كانت كويسة هي وأهلها ومكنش يبان عليهم حاجة وحشة، وبعد الجواز الخلفة حصلت بعد الجواز على طول عشان كدة ملحقش يبان عليها حاجة».
حكايات محكمة الأسرة.. مراتي مشاكلها كتير
تابع «عامر» حديثه قائلا: «المشاكل معاها بدأت من زمان، كانت انسانه عنيده، بتفكر دايما في نفسها ومصلحتها بس ومش مهم أنا أو عيالها، مكنتش بحس منها بأي احترام وتقدير، حصل بينا مشاكل كتير جدا وعلى طول فيه خناقات عملت مشاكل معايا أنا وأهلي، ولما بشتكيها لأهلها محدش بياخد موقف معاها، كل مرة كانت بتهددني دايما أنها هتاخد العيال وهيبقوا في حضانتها ومش هعرف أشوفهم تاني».
دعاوي محكمة الأسرة..عايزة تشتغل واحنا مش محتاجين
أضاف الزوج لكلامه: «لحد أخر مشكلة حصلت بينا كانت عايزة تنزل تشتغل وانا كنت رافض لأنها كانت هتهمل البيت والولاد وهي أصلا كانت مهملة وهي قاعدة في البيت، وأنا مقتدر ماديا واحنا مش محتاجين شغلها في حاجة».
قضايا محكمة الأسرة..سابت البيت وحرماني من العيال
أنهى «عامر» حديثه قائلا: «عملت مشاكل كتير بسبب موضوع الشغل ده وفي الأخر خدت العيال وسابت البيت ومش مخلياني أشوفهم، حاولت أرجعها عشان خاطر العيال أنا كنت صابر عليها كل ده أصلا عشان خاطر العيال، بس هس رفضت ترجع سيبتها فترة وبعد كدة اكتشفت أنها رفعت عليا قضايا نفقة ليها وللعيال وأنا مكنش عندي مشكلة أصرف عليهم من غير محاكم بس ترجع بيتها لكن هي مستمر في العند ومفيش حاجة عاجباها».
تابع أحدث الأخبار عبر
