أخبار محكمة الأسرة
«معندوش رحمة».. مأساة غادة بمحكمة الأسرة: بيضربني ضرب يكسر عضمي
كانت غادة في محكمة الأسرة لتشتكي زوجها الذي لم ترى منه الرحمة عليها أو المودة وطوال حياتها معه، وبعد صبر الزوجة على زوجها لسنين على أمل أن ينصلح حاله ويصونها ويرعاها ما وجدته منه هو الغدر والقسوة عليها، حتى هربت منه ولجأت لمحكمة الأسرة حتى تحصل على حريتها التي منعها عنها مثل باقي حقوقها
قصص محكمة الأسرة.. اتجوزت ابن عمي ووثقنا فيه
قالت «غادة» في بداية حديثها: «متجوزه من ابن عمي بقالي 11 سنة عندي منه ولدين، لما اتقدم لي كنا واثقين فيه أنا وأهلي وقلنا هيحافظ عليا عشان حتى القرابة اللي بينا، اتخطبنا فترة صغيرة وبعد كده اتجوزنا على طول وخلفنا بعدها على طول برضوا فمكنش باين أي حاجة وحشة طول الفترة دي».
دعاوي محكمة الأسرة.. بيضربني ضرب يكسر عضمي
أكملت «غادة» حديثها وقالت: «بعد كام سنة جواز بان على وشه الحقيقي كان بني ادم صعب وعصبي جدا والحياة معاه مستحيلة، كان الأول بسضربني لو حصل بينا اي مشكلة إنما بعد كدة كان بيضربني بسبب ومن غير سبب وضرب يكسر عضمي، ولما كنت بروح اشتكي لأهلي أو حتى لأهله كانوا بيقولوا استحملي جوزك والناس كلها كدة ».
حكايات محكمة الأسرة.. لو كملت معاه هيموتني
تابعت «غادة» حديثها قائلة: «مكنش ليا كد اروحله فاضطريت استحمله ، سنين عيشت معاه في بهدلة وإهانة ومقدرش اتكلم، لحد أخر مرة عمل معايا مشكلة كبيرة وطردني من البيت ولما رفضت أخرج كسرلي دراعي وكان هيموتني في ايده، وقتها أهلي لما شافوا اني لو فضلت معاه هموت خلوني أسيبه».
قضايا محكمة الأسرة.. مقدرش ارجعله تاني
أنهت «غادة» حديثها قائلة: «بعد ما سيبته عملت محضر ورفعت بيه قضية طلاق للضرر ورحت عند أهلي ومقدرتش ارجعله تاني لأن العيشة معاه بقت مستحيلة وهو من ساعة ما سيبته مبيسألش فيا ولا عايز يرجعني وأهله اتدخلوا بس عشان يخلوني اتنازل عن المحضر و يشوفوا العيال، محدش فيهم وقف معايا أو عمل حساب للقرابة اللي بينا ودلوقتي معرفش مكانه فين وعرف إني رفعت عليه قضية مسألش ولا حاول يصالحني ».
تابع أحدث الأخبار عبر
