محكمة الأسرة اليوم
محكمة الأسرة وحكاياتها.. حنان: مضيع فلوسه على الكيف ومش عايز يتعالج
كانت محكمة الأسرة هي الطريق الأخير الذي قصدته حنان بعدما وصلت حياتها لطريق مسدود لا تصلح فيه أي محاولات بسبب زوج مدمن دمر حياتها بعدما كانت حياتها مستقرة هادئة.
حكايات محكمة الأسرة.. حياتنا اتشقلبت بسبب المخدرات
بدأت حنان رواياتها لقاضي محكمة الأسرة مؤكدة أن حياتها كانت تنعم بالهدوء والاستقرار ولكنها انقلبت رأسًا على عقب بسبب توجه الزوج للإدمان المفرط الذي كان السبب الرئيسي في ضياع حياتها، تابعت: "متجوزاه وهو ميعرفش أي حاجة عن الإدمان والمخدرات وحياتنا كانت كويسة جدًا بس بقاله كام سنة كدا وحياتنا اتشقلبت من ساعة ما عرف القرف اللي بيشربه دا، هو بقا واحد تاني غير اللي كنت عارفاه".
قصص محكمة الأسرة.. مش راضي يتعالج
حاولت حنان مساعدة زوجها بكل الطرق الممكنة من أجل الإقلاع عن الإدمان ولكنه كان مُصر على الاستمرار في طريق الإدمان الذي جعل الحياة بينهما شيه مستحيلة.
أكملت الزوجة حديثها لقاضي محكمة الأسرة، مضيفة: "مرضتش اتطلق أول لما عرفت إنه بقا بيشرب مخدرات وكنت فاكرة الموضوع هيتحل ولما أساعده الدنيا هتبقى أسهل بس الحقيقة الوضع كان عكس كدا خالص ومبقاش راضي يتعالج ولا أي حاجة بالعكس بقى بيزيد في القرف اللي بيشربه دا".
قضايا محكمة الأسرة.. حنان في دعوى خلع
بعد مشاجرات وخلافات كثيرة قررت الزوجة قصد محكمة الأسرة ورفع دعوى خلع تنفذها من معاناتها التي تعيش فيها معه، أكملت رواياتها قائلة: "حياتي مبقاش ليها معنى بسببه، دا غير الفلوس اللي مخلصها على كيفه والضرب فيا انا والعيال عمال على بطال وعلى أي حاجة تافهة"، أنهت رواياتها: "خلاص مبقاش قادرة استحمل وهو مش راضي يتعالج عشان خاطر بيته وعياله وعافيه اللي هو فيه دا، عشان كدا رفعت عليه قضية خلع".
تابع أحدث الأخبار عبر
