أخبار محكمة الأسرة
محكمة الأسرة وحكاياتها.. نادية: يضربني أنا والعيال ويقولي مكنتش في وعي
لجأت “نادية” لـ محكمة الأسرة مثل العديد من السيدات وكان يظهر على عينيها الحزن والألم بسبب ما عاشته مع زوجها الذي كان يقسو عليها ويضربها في كل خلاف بينهما، وفي كل مرة عادت الزوجة لزوجها حتى لا تخرب بيتها وتدمر اسرتها حتى توجهت لمحكمة الأسرة عندما اكتشفت أن حياتها مع زوجها لن تنصلح ابدا.
قصص محكمة الأسرة.. حياتي اتدمرت بسبب جوزي
قالت «نادية» في بداية حديثها: «أنا متجوزة من ٢٠ سنة خلفت من جوزي بنت وولد، كان جواز تقليدي عن طريق المعارف، اتجوزته من زمان كان كويس وقتها ومحترم وده اللي خلاني اوفق عليه بس بعد الجواز كل ده اتغير وحياتي اتدمرت بسببه».
دعاوي محكمة الأسرة.. بيضربني ويعذبني أنا والولاد
أكملت «نادية» حديثها وقالت: «مشاكلي مع جوزي كانت من زمان وانا اللي كنت بستحمل واعدي وامشي الدنيا، كان بيضربني من زمان هو كدة دي طريقته يضربني ويرجع يقولي معلش انا تعبان ومش بكون في وعي وانا بضربك وبيرجع يعتذر ويعيط ويقول مش هيعمل كدة تاني وبعد ما اسمحه، كان بيرجع يعمل اللي بيعمله تاني كان بيضربني ويعذبني انا والولاد».
حكايات محكمة الأسرة.. نادية: بيضربني أنا والعيال بسبب ومن غير سبب
تابعت «نادية» حديثها قائلة: «العيال مكنوش بيحبوه بسبب عمايله كان بيضربهم ويبهدلهم معاه، الأول الضرب كان بيبقى كل ما يحصل بينا مشكلة لكن بعد كدة بقى بسبب ومن غير سبب ومهما اشتكيت لاي حد يقولي جوزك واستحمليه ولو جاولت اتكلم معاه اننا نتعامل بالود يقولي ده اللي عندي واذا كان عاجبك».
قضايا محكمة الأسرة..عيالي اللي خلوني أسيب ابوهم
أنهت «نادية» حديثها قائلة: «لحد آخر مشكلة حصلت بينا ضربني انا والعيال وكسر عضمنا عشان طلبنا منه فلوس لحاجة محتاجينها ومعجبوش الكلام ضربني وانا والعيال مبقيناش صغيرين على البهدلة والإهانة اللي هو معيشنا فيها دي، هما اللي خلوني أسيبه ورحنا أنا وهم خدوا شقة برة بنشتغل وبندفع ايجارها وجيت عشان ارفع عليه قضية خلع لأنه مش راضي يسيبنا في حالنا وبيهددنا».
تابع أحدث الأخبار عبر
