أخبار محكمة الأسرة
«كسرلي العفش».. عايدة لـ محكمة السرة: جوزي زور وصولات أمانة عشان يحبسني
سنين من الألم والوجع كانت نهايتهم محكمة الأسرة التي تواجدت “عايدة” على أبوابها تبحث عن حل مشاكلها وحل أزماتها مع زوجها الذي كان قاسيًا عليها منذ زواجها منه، وتحملت الزوجة إهانته بالشتائم والضرب بسبب وبدون سبب حتى فاض بها الكيل وتوجهت لمحكمة الأسرة وهي نادمة على ما ضيعته من عمرها معه.
قصص محكمة الأسرة.. المشاكل بدأت معاه من أول كام شهر جواز
قالت «عايدة» في بداية حديثها: «أنا متجوزة من 19 سنة معايا 4 ولاد (ولدين وبنتين) وهما دلوقتي عايشين معايا بعد ما سيبت أبوهم بقالي 4 سنين، احنا اتجوزنا جواز تقليدي اتقدم لي وسألنا عليه وعلى أهله ومسمعناش حاجة وحشة واتجوزنا ومن بعد الجواز بكان شهر المشاكل بدأت معاه».
دعاوي محكمة الأسرة.. بضرب واتهان من زمان
أكملت «عايدة» حديثها وقالت: «الخلافات مع جوزي كانت كتير كان سببها إنه مبيصرفش من زمان وشايل إيده من أي مسؤولية، كان بيضربني ويشتمني وكسرلي كل عفشي ،من زمان وهو كدة ومكنتش عارفة اعمل معاه ايه عشان يتعدل ومكنش ينفع اطلق اهلي كانوا رافضين واتحملته طول السنين دي بسبب كدة ».
حكايات محكمة الأسرة.. جوزي مزور وصولات أمانة عشان يحبسني
تابعت «عايدة» حديثها قائلة: «كل مادى الخلافات كانت بتزيد كان على طول بيشتمني بالفاظ مش كويسة وبتضرب بسبب ومن غير سبب، وكان برضوا مبيصرفش غير قليل جدا ده لو صرف اصلا وانا اللي كنت بتصرف واستلف واستحمل، لحد اخر مشكلة حصلت بينا اللي خلتني اسيبه لما تخانقنا بسبب المصاريف واكتشفت ساعتها انه اتفق مع محامي وعمل وصولات امانة مزورة عشان يحبسني بيها وكان بيهددني بالوصولات اللي معاه ».
قضايا محكمة الأسرة.. رفعت عليه قضايا عشان مبيسألش فينا
أنهت «عايدة» حديثها قائلة: «استحملته عشان خاطر ولادي واخر ما زهقت سيبته، رفعت طلاق للضرر من سنتين، واطلقت ومن ساعتها وانا رافعة قضايا نفقة وزيادة نفقة لأني كنت باخد النفقة بصرفها 500 جنية من بنك ناصر غير كدة مباخدش منه حاجة وهو مبيسألش فينا خالص لا أنا ولا العيال من ساعة ما سيبته».
تابع أحدث الأخبار عبر
