أخبار محكمة الأسرة اليوم
محكمة الأسرة.. عايدة: رماني أنا وبنتي 4 سنين مسألش فينا وعايش حياته بره مصر
كانت عايدة في محكمة الأسرة بسبب زوجها الذي أهملها لمدة 4 سنوات بدون سؤال أو رعاية لها أو لابنتهم، وعندما حاولت الزوجة ان تعطيه فرصة أن يعود لبيته وأسرته وجدت أنه تزوج من سيدة أخرى دون علمها في سنين بعده عنهم وأسقاها الزوج العذاب بألوانه حتى انتهى بها الأمر في محكمة الأسرة وهي تبحث عن حقوق ابنتها التي تركت والدها حتى تنقذها منه.
قصص محكمة الأسرة..اختفى بقاله 4 سنين
قالت «عايدة» في بداية حديثها: «أنا متجوزة بقالي 9 سنين ومخلفة من جوزي بنت جوزي بنت واحدة بس، أول سنة جواز كان كويس وكانت قبل الخلفة، لحد ما جاله شغل في الكويت وسافر عشان يشتغل ومخدنيش أنا وبنتي معاه، ولمدة 4 سنين اختفى كان مبيسألش عليا ولا على البنت ولا بيشوفنا محتاجين ايه ولا عاملين ايه في حياتنا ».
دعاوي محكمة الأسرة..طلع متجوز عليا واحدة تانية
أكملت «عايدة» حديثها وقالت: «رجع بعد الـ 4 سنين وكان عايز يرجع ليا أنا وبنتي في الأول كنت رافضة،بس بعد كدة رجعت معاه بما يرضي الله عشان بنتي، ويارتني ما رجعتله، بعد ما رجعنا لقيته متجوز عليا واحدة تانية، كان متجوزها وهو مسافر، كان بيطهقني في عيشتي عشان يرجعلها يعيش معاها، عرفت من الحاجات اللي لقتها على تليفونه، كانت صور بتاعتهم وقسيمة الجواز وعرفت من كلامه على الموبايل معاها».
حكايات محكمة الأسرة..سلوكه مش كويس مع بنتي
تابعت «عايدة» حديثها قائلة: «قعدت معاه 3 شهور بس وراني فيهم الويل، كان بيضربني وكان هيوصلني إنه يجبلي شلل في العمود الفقري ومحبستوش عشان البنت الصغيرة اللي بينا، بس اللي خلاني اسيبه هو إني خفت على بنتي الصغيرة ومن تعاملوا معاها، سلوكه كان مش كويس مع بنتي، كان بيبقى عايز يموت البنت، كان بيزعقلها ويقعدها تذاكر طول اليوم وهي صغيرة متفهمش، كانت بتخاف منه وتعامله معاها كان صعب وسيبته عشان خاطرها ».
قضايا محكمة الأسرة.. معيش مصاريف تكفي
أنهت «عايدة» حديثها قائلة: «لسه متطلقة من قريب، سافر دبي بعد ما سيبته عشان يرجع لمراته التانية، عاملي بلوك وعايش حياته، مش عايز يديني حقي ولا يديني أي حاجة، ودلوقاي مش عايزني اتجوز عشان هياخدها مني، جيت أرفع قضية نفقة عشان أقدر أكمل مصاريف البنت لأني مش معايا يكفي».
تابع أحدث الأخبار عبر
