أخبار محكمة الأسرة
حكايات محكمة الأسرة.. كوثر : ادى شقتي لأهله وراميني في الشارع
تواجدت «كوثر» على أعتابمحكمة الأسرة وعلى وجهها علامات الخذلان بسبب ما عاشته مع زوجها الذي ظنت أنه سيكون سندها وشريك حياتها، ولكنه دمر حلمها في الحصول على بيت وأسرة مستقرين.
وبالرغم من صبر الزوجة عليه طوال سنين زواجهم وحتى بعد تركها له رفضت أن ترفع أي قضايا على زوجها من أجل العشرة لكنه لم يصن هذه العشرة وتركها دون سؤال.
قصص محكمة الأسرة..جوزي مكنش راضي يتعدل
قالت «كوثر» في بداية حديثها أنها تزوجت من 19 عاما من زوجها الذي تعرفت عليه عن طريق الأقارب الذي أكدوا لها أنه رجل محترم سيصونها ويرعاها ويحفظها، وبالفعل تزوجته وانجبت منه ثلاث ابناء بنتين وولد وظنت أن حياتها اصبحت مستقرة وأنها حققت حلمها في الحصول على حقوقها.
وعندما عبرت كوثر عن أزمتها مع زوجها قالت: «مشاكلي مع جوزي كانت عادية وطبيعية جدًا كنا زي أي اتنين عادي بنتخاصم ونرجع الدنيا ماشية ولو حصل حاجة القرايب بيتخدلوا وبيحلوها وعشان ميحصلش مشاكل بس الخلافات مكنتش بتخلص وهو مكنش بيتعظ أبدا أو يرجع عن عمايله».
حكايات محكمة الأسرة.. جوزي طردني عشان أهله
تابعت «كوثر» حديثها قائلة: «لحد في مرة حصلت بينا مشكلة وكانت اكبر من المشاكل العادية اللي بتحصل وقتها خدت العيال ورحت عند اهلي وسيبت البيت ولما رجعت عشان أجيب هدوم ليا أنا والعيال لقيت جوزي جايب امه واخواته قاعدين في شقتي وبيستخدموا حاجتي وكان البيت بيتهم وجوزي لما عرف إني جيت طردني عشان اهله».
قضايا محكمة الأسرة.. رفعت خلع ونفقة عشان أخلص من مشاكله
أنهت «كوثر» حديثها قائلة: «فرحوا اني مشيت عشان ياخدوا الشقة، وجيت عشان ارفع قضية خلع عشان خلاص الطلاق بقى مش فارق معايا في حاجة بنتي الكبيرة في أولى ثانوي وابني التاني في تالتة إعدادي وبنتي في 6 ابتدائي يعني ولادي مش صغيرين ومش هيحصلهم حاجة لو اتطلقت هما معايا وأنا اللي بصرف عليهم وهو مبيسالش عشان كده رقعت نفية مع عشان أخلص من كل المشاكل اللي عملهالي في حياتي».
تابع أحدث الأخبار عبر
