محكمة الأسرة اليوم.. منه: بيبيع كل حاجة حتى عياله.. أميرة: ضربني عشان سلمت على ابن خالتي

محكمة الأسرة اليوم .. تقصد الزوجة القضاء في نهاية المطاف بعد ما تفشل في إصلاح حياتها الزوجية من خلال دعوى طلاق أو خلع تقيمها، يعرض موقع الحادثة أخبار محكمة الأسرة اليوم من خلال النشرة التي يعرضها يوميًا.

محكمة الأسرة اليوم.. منار: ماسكني من إيدي اللي بتوجعني

دعوى ضم حضانة أقامتها منار في محكمة الأسرة بعد ما تصاعدت المشكلات بينهما بطريقة جعلتها تريد الفرار من حياتها معه، فشلت كل المحاولات التي قدمتها الزوجة على أمل صلاح حالهم، وقررت في النهاية ترك المنزل ولكن الزوج أخذ منها الأطفال عنوة، وقالت منار للقاضي: "كل يوم خناق يا إما على المصاريف أو على معاملته اللي زي الزفت معايا أنا والعيال، أخر خناقة مقدرتش استحمل وقلتله أنا هسيب البيت قالي مع السلامة بس عيالك هيفضلوا معايا مش هتاخديهم، كنت بعدي واسكت بس مقدرتش استحمل اقعد يوم واحد تاني زيادة معاه، وكنت فاكراه بيهزر، بس وأنا خارجة من البيت لقيته شد مني العيال وقالي مش هيخرجوا من باب الشقة"

اقرأ أيضا

محكمة الأسرة.. منار بدعوى حضانة: ماسكني من إيدي اللي بتوجعني وواخد عيالي مني

محكمة الأسرة اليوم.. أميرة: ضربني عشان سلمت على ابن خالتي

كانت أعتاب محكمة الأسرة في النهاية هي الحل لأميرة حتى تتخلص من شك زوجها الدائم فيها على أتفه الأسباب، بعد خلافات ومشكلات كثيرة قررت التوجه إلى محكمة الأسرة ورفع دعوى طلاق بعد 11 عامًا من الغيرة والشك، أضافت أميرة في حكاياتها لقاضي محكمة الأسرة قائلة: "مش عارفة اتعامل مع الناس براحتي، كل ما أكلم حد في التليفون يقول انتي بتكلمي مين وليه، بقيت احس إني بعمل حاجة غلط بسببه، ويوصل بيه الحال إنه نبقى في عزومة عند قرايب ماما وسلمت على ابن خالتي عادي لقيته قام ضربني علقة وسط الناس، مكنتش مصدقة إنه يعمل كدا فيا خصوصً قدام الناس، دي مقدرتش اعديها ورفعت عليه قضية طلاق"

اقرأ أيضا

محكمة الأسرة.. أميرة بدعوى طلاق: ضربني عشان سلمت على ابن خالتي

محكمة الأسرة اليوم.. منه: باع كل حاجة عشان المخدرات وعايز يبيع عياله

دعوى خلع شهدتها محكمة الأسرة من قبل منه بعد المعاناة التي شهدتها الزوجة في عش زوجية لا يعرف أي شيء سوى الخلافات، ورغم كل محاولاتها في إصلاح حياتها معه إلا أن المخدرات دمرت كل هذه المحاولات، تفاقمت المشكلات بينهما سبب إدمان الزوج الذي كان السبب في دمار حياتهما، تابعت منه حديثها لقاضي محكمة الأسرة وتقول: "أخر سنة دي بقا واحد تاني خالص مش عارفة اتعامل معاه بسبب الآيس دا، بقا يبيع أي حاجة قدامه عشان يجيب تمن القرف اللي بيشربه، وصل بيه الحا إنه ياخد عياله الصغيرين ويروح بيهم عند الديلر عشان يرهنهم، عرفت الكلام دا من ناس غريبة معرفهاش بيجوا يقولولي جوزك عايز يبيع عيالك".

محكمة الأسرة اليوم.. سحر: بيسيبلي ملاليم وكل ما اكلمه يقولي دا اللي عندي

دعوى نفقة أقامتها سحر ضد زوجها بعد خلافات استمرت أكثر من 8 سنوات بالكامل بسبب رفض الزوج الإنفاق على المنزل ما جعل المشكلات تتصاعد حتى وصلت إلى محكمة الأسرة، أضافت سحر في حديثها: "تعبت من كتر الخناق كل شوية على فلوس البيت وهو معندهوش دم وكل ما أكلمه يقولي هو دا اللي عندي إذا كان عاجبك، صبرت 8 سنين بس خلاص مش قادرة استحمل معاه بالطريقة دي، سبت البيت ورفعت عليه قضية نفقة يمكن القواضي تحليه يصرف على البيت"

تابع أحدث الأخبار عبر