محكمة الأسرة اليوم
محكمة الأسرة وعجائبها.. رحاب: مريض نفسي وبيتهيأله حاجات غريبة في البيت
خطت رحاب خطواتها نحو محكمة الأسرة بعد 15 عام من المعاناة مع زوج لا يعرف شيء عن المسئولية وتكون كل اهتماماته متجهة نحو المخدرات، تفاقمت المشكلات بعدما بدأ الزوج في الخرافات والتهيؤات التي جعلتها تفكر في الانفصال الحتمي عن طريق دعوى خلع في محكمة الأسرة.
حكايات محكمة الأسرة.. كان زي الفل معرفش إيه حصله
تستهل رحاب حديثها لقاضي محكمة الأسرة مؤكدة أنها عاشت أجمل أيام عمرها في بداية الزواج معه لأنه كان رجل مثالي على حد قولها قبل معرفته بطريق الإدمان الذي كان السبب الرئيسي في نشوب كل المشكلات والخلافات بينهما، تابعت: "في الخطوبة وأول الجواز كان كويس معايا جدًا بس معرفش إيه اللي حصله يدوب سنتين واتغير خالص معايا في كل حاجة وأنا مش عارفة ليه ولا فاهمة السبب".
قصص محكمة الأسرة.. بيصرف مرتبه كله على الشرب
علمت رحاب بالسر الذي كان السبب في تحول حياتها بهذا الشكل، قالت: "مكنتش عارفة في الأول إيه الي غيره بس بعد كدا عرفت إنه عرف طريق المخدرات اللي بقا السبب في تحول حياتنا، وبدل ما كان مهتم بشغله والبيت مبقاش يعرف عننا حاجة أنا والعيال خالص ومبيفكرش غير في الشرب دا غير المرتب اللي مضيعة على المخدرات، وكل ما أقوله عايزة مصاريف يقولي مش معايا"، أضافت رحاب: "مجتش على كدا بس، بقا غريب في التعامل معايا أنا والعيال، حتى شكله بقا غريب خالص وخس جامد من القرف اللي بيشربه دا".
عجائب محكمة الأسرة.. بيتهيأله حاجات غريبة
تغاضت رحاب عن أشياء كثيرة معه حتى تحافظ على المنزل من الخراب، ولكن تصرفاته كانت السبب في تصاد الأمور بينهما، قالت رحاب للقاضي: "بقا بيتهيأله حاجات غريبة أوي، ولقيته في يوم راجع من برا وشافني أنا وابني الكبير خارجين من الأوضة قالي كنتوا بتعملوا إيه أنا شاكك فيكوا، مكنتش فاهمة في الأول بس بعد كدا فهمت إن قصده إني عملت علاقة مع ابني"، اختتمت قائلة: سبت البيت بعد كدا استحملت قرفه 15 سنة على أمل إنه يتغير ولا يتعدل بس مفيش فايدة فيه، رفعت عليه قضية خلع بقالي 6 شهور"، ولا تزال الدعوى منظورة في محكمة الأسرة حتى الآن.
تابع أحدث الأخبار عبر
