أخبار محكمة الأسرة اليوم
محكمة الأسرة .. سماح: عمل قرشين في الغربة ورجع عايز يصرفهم
كانت حياة «سماح» طبيعية لسنين عديدة ولم تتوقع أبدا أن تنتهي على أبواب محكمة الأسرة تبحث عن حل لمشكلتها مع زوجها الذي لم يعطيها هي وبناتها أي من حقوقهم بعد سنين عمله خارج مصر وكانت الزوجة هي المسرولة عن أولادها، عندما عاد لمصر بدلا من أن يكون سند لها ولبناتها بعد سنين الرغبة أصبح هو عبء على زوجته حتى أوصلها لمحكمة الأسرة بسبب أفعاله.
قصص محكمة الأسرة.. الدنيا كانت ماشية كويس وجوزي برة مصر
قالت «سماح» في بداية حديثها: «أنا اتجوزت من 25 سنة ومعايا من جوزي 4 بنات من ساعة ما اتجوزت وهو بيشتغل بره مصر وأنا والعيال عايشين في مصر وهو كان بيبعتلي المصاريف والدنيا كانت ماشية كويس ومفيش مشاكل ولا حاجة طول ماهو برة مصر».
حكايات محكمة الأسرة.. كنت فاكراه هيشيل المسؤولية معايا لكني كنت غلطانة
تابعت «سماح» حديثها قائلة: «بعد 10 سنين سفر وشغل برة مصر جوزي قرر فجأة إنه يرجع ويستقر في مصر وميسافرش تاني، افتكرت أنه هيرجع ويشتغل ويشيل المسؤولية معايا لكني كنت غلطانة، لما رجع كان محوش مبلغ كويس وكان عامل حسابه إنه يعيش على المبلغ ده يصرف منه عليا وعلى العيال».
دعاوي محكمة الأسرة.. كل لما أطلب منه مصاريف يسيب البيت
أضافت الزوجة: «من ساعة ما رجع من مصر وهو مبيشتغلش ولا بيصرف، معتمد على الفلوس اللي عملها وهو مسافر، عايش على أساس إنه يصرف منها لحد ما تخلص، المصاريف كانت كتير وهو كان مبيصرفش وأنا عندي بنت في ثانوية عامة وهو مش بيهمه غير نفسه وبس، ولما أكلمه وأحاول اتفاهم معاه مينفعش معاه الكلام، يعمل معانا مشكلة ويسبب الشقة ويمشي يعد في شقة تانية اخره معانا اسبوعين ويرجع بعد كدة يمشي تاني، على الحال ده كل لما أطلب منه مصاريف».
قضايا محكمة الأسرة.. مبيصرفش غير في المحاكم
أنهت «سماح» حديثها قائلة: «لحد ما تعبت منه ومن الحياة معاه، قررت أرفع عليه دعوى نففة ليا وللبنات لأنه مبيصرفش غير في المحاكم بس، ومش بيسأل فيا أنا والعيال».
تابع أحدث الأخبار عبر
