أخبار محكمة الأسرة
محكمة الأسرة وعجائبها .. مريم: فتح عليا الأنبوبة أنا والعيال
بخطوات مثقلة توجهت مريم نحو محكمة الأسرة لرفع دعوى خلع ضد زوجها الذي لا يعرف أي شيء في حياته إلا المخدرات التي كانت السبب في المشكلات والخلافات بينهما، تفاقمت الخلافات حتى وصلت إلى محكمة الأسرة.
قصص محكمة الأسرة.. مبقاش في وعيه
تستهل مريم رواياتها لقاضي محكمة الأسرة مؤكدة على أن حياتها تحولت في غمضة عين بعدما اتجه الزوج إلى طريق الإدمان المخدرات الذي كان السبب في خراب علاقاتهما وخراب المنزل، تابعت: "حياتنا كانت كويسة ومفيش أي مشاكل بس من ساعة ما عرف طريق المخدرات وهو بقى واحد تاني خالص ومبقاش عارف هو بيعمل إيه، بقا على طول مش في وعيه وأهم حاجة عنده المخدرات غير كدا ميعرفش اي حاجة".
حكايات محكمة الأسرة.. فتح علينا الأنبوبة
حاولت مريم مسايرة أمورها بكل الطرق الممكنة ولكن تمادي الزوج في شرب المخدرات جعل الحياة والتعامل بينهما صعب جدًا ما جعل المشاكل والخلافات تتصاعد، أضافت مريم: "حصلت مشاكل بينا كتير بسبب إنه مبقاش في وعيه خالص وممكن يضربني بأي حاجة جمبه، أهلي اتدخلوا كتير بسبب الموضوع دا بس هو بيتمادى فيها"، تابعت: "كنت كل مشكلة ارجع البيت عادي وأقول أمشي الدنيا بس أخر حاجة مقدرتش أعديها لما لقيته فتح علينا الأنبوبة أنا والعيال، ولولا الجيران جم لحقونا لما صوت كان زماني ميته أنا والعيال".
قضايا محكمة الأسرة.. مريم في دعوى خلع
كانت دعوى الخلع التي أقامتها مريم ضد زوجها هي الحل لكل المعاناة التي عاشتها معه على أمل إقلاعه عن المخدرات ولكن الوضع ازداد سوءً، ولم تقدر على تحمل الحياة معه أكثر من ذلك، أنهت مريم رواياتها للقاضي قائلة: "خدت العيال ومشيت عشان مضمنش هيعمل فيا إيه تاني، رفعت عليه قضية خلع بقالي 5 شهور عشان جبت أخري معاه ومبقتش قادرة استحمله خلاص"
تابع أحدث الأخبار عبر
