أخبار محكمة الأسرة اليوم
محكمة الأسرة .. هبة: لو اشتغل بيشتغل عشان يصرف على نفسه بس
تواجدت «هبة» في محكمة الأسرة بسبب زوجها الذي توسمت فيه أن يكون خير الزوج وخير الأب لها ولأولادها ولكن كانت نهايتها في محكمة الأسرة تبحث عن نهاية وحل لمشاكلها التي تسبب فيها طوال حياتهم سويا، بعد تحمل «هبة» لزوجها لسنين كثيرة وجدت أن مشاكلها معه تكثر ولا تقل وأن أنانية زوجها سيطرت على حياتهم وعلى مصلحة أولادهم مما دفعها لتركه والبحث عن مستقبل مشرق لها ولأولادها.
قصص محكمة الأسرة.. حياتنا عادية وجوزي كان زي أي راجل عادي
قالت «هبة» في بداية حديثها: «أنا اتجوزت من 11 سنة خلفت من جوزي ولد وبنت وكان جواز تقليدي زي أي اتنين الحياة في الأول كانت عادية ومفيش مشاكل طان زي أي راجل عادي».
حكايات محكمة الأسرة.. جوزي بيقولي مش هصرف إذا كان عاجبك
تابعت «هبة» حديثها قائلة: «المشاكل بدأت من 5 سنين تقريبا جوزي كان مبيصرفش علينا خالص مع أنه كان بيصرف علينا في الأول قليل بس كنت بمشي الدنيا، بقى مبيدفعش جنية ليا أنا وولادي، الأول كان بيتحجج بالظروف الصعبة وان المرتب بيخلص بعد كدة بقى يقولي مش هصرف إذا كان عاجبك».
دعاوى محكمة الأسرة.. لو اشتغل بيشتغل عشان نفسه
أضافت الزوجة: «المشاكل مع الوقت كانت بتزيد وبدل ما بقى بيشتغل ومبيصرفش علينا بقى لو نزل يشتغل عشان يصرف على نفسه بس، يجيب لنفسه لبس وأنا والعيال مش لاقيين حق الأكل حاولت كتير معاه أنه يتعدل لكن مفيش فايدة معاه مش عارفة حتى هو كان بيعمل كدة ليه بس اللي اعرفه أني مبقتش قادرة أكمل معاه خلاص».
قضايا محكمة الأسرة.. طلقني لما عرف أني رفعت عليه قضية نفقة
أنهت «هبة» حديثها قائلة: «بقالي كتير سايبة البيت لما مشيت ابني كان عنده 8 سنين دلوقتي ابني في اعدادي، وهو مبيسألش ومبيصرفش علينا جنية من ساعتها، ولا حاول حتى يرجعني كأنه ما صدق يخلص مننا، رفعت عليه قضية نفقة ومكنتش عايزة أطلق وأخرب بيتي بس هو لما عرف أني رفعت عليه قضية نفقة طلقني من غير ما أعرف».
تابع أحدث الأخبار عبر
