أخبار محكمة الأسرة
محكمة الأسرة.. سهير: عامل فيها سبع رجالة وأنا اللي بصرف على البيت
دعوى طلاق في محكمة الأسرة أقامتها سهير ضد زوجها بعدما تحملت سنوات طويلة أعباء ومسئوليات المنزل فكانت هي "راجل البيت" لأكثر من 8 سنوات على أمل إصلاح الأمور بينهما ولكن في الحقيقة كانت الأمور تزداد سوءً ما جعلها تتوجه إلى محكمة الأسرة.
حكايات محكمة الأسرة.. أول سنتين كانت الدنيا تمام
استرجعت سهير حياتها في بداية الزواج مؤكدة على أنها نعمت بالاستقرار والسعادة لمدة سنتان فقط، ولكن بعد هذا تحولت حياتهما لمشاجرات وخلافات دائمة أدت إلى تركها للمنزل أكثر من مرة، استهلت سهير رواياتها لقاضي محكمة الأسرة قائلة: "كنا كويسين جدًا وكل حاجة تمام في أول سنتين، بعد السنتين دول معرفش إيه اللي حصل وحياتنا اتبدلت خالص وبقت حياتنا كلها خناقات بس".
تابعت: "بداية الخناقات كلها كانت بسبب إنه مش راضي يصرف مش فاهمة إيه السبب، كلمته كتير في حوار المصاريف دا بس هو مش راضي خالص، سبت البيت والأهل ادخلوا كتير عشان يحلوا الموضوع بس مفيش حاجة كانت بتتحل بالعكس المشاكل كانت بتزيد بينا"
قصص محكمة الأسرة.. بصرف عليه ومفهم الناس إنه راجل البيت
قررت «سهير» البحث عن العمل من أجل تولي مسئولية المنزل على أمل حدوث أي تغير في حياتهما التي يعتريها استكملت حديثها وتقول: “لما لقيته مش راضي يصرف نزلت ادور على شغل وفعلًا بقيت أنا اللي بشتغل وهو قاعد في البيت من غير ولا شغلة ولا مشغلة وبقيت أنا اللي شايلة مصاريف البيت كلها لوحدي حتى مصاريفه الشخصية”.
أضافت: "مش كفاية أنا اللي شايلة البيت وكنت ساكتة عشان خاطر العيال وبقول مش مشكلة يمكن الأمور تتعدل، بس مفيش أي حاجة بتتغير وبدل ما يتلحلح وينزل يدور على شغل ويصرف على البيت رايح يقول للناس إنه اللي بيصرف على البيت ومفهمهم إنه راجل البيت".
قضايا محكمة الأسرة.. سهير في دعوى طلاق
بعد ما سئمت «سهير» من حالها الذي دام لأكثر من 8 سنوات بالكامل دون تحمل الزوج المسئولية قررت اللجوء إلى محكمة الأسرة ورفع دعوى طلاق منذ 4 شهور، ولا تزال الدعوى منظورة في المحكمة حتى الآن.
تابع أحدث الأخبار عبر
