حكايات محكمة الأسرة .. قسمت: جوزت بنتي لابن أمه ومش عارفين نخلعه
تواجدت «قسمت» على أعتاب محكمة الأسرة مع ابنتها التي كانت الكسرة تملأ عينيها بعد زواج لم يسبب لها سوى الألم من زوجها الذي كان يأخذ القرارات في حياته بمشورة أهله فقط ولم يمنعهم من تدمير حياته الزوجية وأسرته التي كانت تحاول الزوجة أن تبنيها، حتى قررت الأم أن تنقذ ابنتها بعدما رأت الحياة المؤلمة التي تعيشها ابنتها وخوفًا منها على نفسيتها ومستقبلها توجهت بها لمحكمة الأسرة على أمل أن تعطي أبنتها مستقبل أفضل بعد المعاناة التي عاشتها مع زوجها.
قصص محكمة الأسرة.. أهل جوز بنتي عاملين مشاكل من ساعة ما اتقدموا
قالت «قسمت» في بداية حديثها: «بنتي اتجوزت من 5 سنين وخلفت من جوزها ولد بس، من ساعة ما جوزها اتقدملها وأهله بان عليهم أنهم ناس صعبة وفي مشاكل كتير هتحصل بسببهم بس أنا يكت وعديت وقتها عشان مكسرش فرحة بنتي وكنت عايزة اشوفها عروسة في الكوشة».
حكايات محكمة الأسرة.. جوز بنتي ماشي بشورة أمه
تابعت «قسمت» حديثها قائلة: «جوز بنتي كان ماشي بشورة أمه، ولما ابن بنتي كان تعبان وبيموت خدته وديته المستشفى عشان اشوف فيه ايه مكنش راضي يوديه غير لما ياخد الإذن من أمه ويشاورها، وبعد كده كان عايز ياخد الولد يوديه مستشفى تانية اللي أمه واخته قالوا عليها يروحها واتحجج ساعتها بالفلوس وقتها قلتله أنا معايا فلوس وهدخله مستشفى لكن هو مكنش راض ».
دعاوي محكمة الأسرة.. رجعت بنتي لجوزها عشان بيتها ميتخربش
أكملت الأم حديثها: «عمل مشكلة ساعتها وساب بنتي عندي فترة ومسألش فيها ومرضيش يرجعها أنا اللي خدتها ورجعتها لجوزها عشان بيتها ميتخربش قلتلها تسمع كلام جوزها ومتعملش مشكلة عشان خاطر ابنها العيان».
قضايا محكمة الأسرة.. جوز بنتي كان عايز يمد إيده عليا
أنهت «قسمت» حديثها قائلة: «بهدل بنتي معاه ضرب وإهانة وكان مبيحترمش حد أهله على طول كانوا بيقوموه عليها، أخر مرة ضربها قدامي ولما جيت أدافع عن بنتي كان عايز يمد ايده عليا ويضربني، وقتها قلت خلاص ده بني أدم مأمنش بنتي تعيش معاه خدتها وخليتها تسيبه عشان ألحقها هي وابنها رفعنا خلع عشان نرتاح منه».
تابع أحدث الأخبار عبر
