أخبار محكمة الأسرة
محكمة الأسرة.. سحر: كنت فاكرة الجواز دلع طلع ضرب وإهانة
دعوى طلاق أقامتها سحر في محكمة الأسرة ضد زوجها الذي كان سبب تحول كل المشكلات والخلافات بينهما، ورغم كل محاولاتها ورغبتها في إصلاح الأمور بينهما لم تنجح أي محاولة بينهما وكانت محكمة الأسرة في النهاية هي الحل الأخير لتنقذ نفسها من الحياة المليئة بالبؤس.
حكايات محكمة الأسرة.. متهنتش غير شهر بس
مكملتش شهر عدل في الجواز وبعدين لقيت نفسي في حياة كلها ضرب وإهانة ومعاناة ، مبيراعييش ربنا فيا " كانت هذه الكلمات الأولى التي بدأت بها سحر رواياتها لقاضي محكمة الأسرة مؤكدة أنها اعتقدت في البداية أن الحياة في عش الزوجية تكون مليئة بالحب والسعادة الغامرة وكانت المفاجأة الكبرى لها.
قصص محكمة الأسرة.. فترة الخطوبة كانت أحلى فترة في حياتنا
استرجعت فترة الخطوبة مؤكدة على أنها كانت فترة مستقرة خالية من المشكلات والخلافات بل وكانت أفضل فترة في حياتهما، تابعت سحر: "مكنش في مشاكل بينا قبل الجواز خالص معرفش اية اللي حصله وليه اتغير كدا وبقا واحد تاني ومش فاهمة ليه"، أضافت: "طريقته بقت غريبة اوي معايا وعلى طول ضرب وقلة أدب على أي حاجة، عديتله كتير عشان احافظ على البيت بس خلاص جبت أخري".
قضايا محكمة الأسرة.. سحر في دعوى طلاق
قصدت دعوى الطلاق بعد 7 سنوات كاملة وهي تحاول مع زوجها من أجل إصلاح حياتهما ، ولكن الأمور تعقدت أكثر وأكثر مع مرور الوقت، تستكمل سحر رواياتها لقاضي محكمة الأسرة مضيفة: "حياتي انهارت بعد الجواز وأنا اللي كنت فاكرة إن حياتي هتحلوا أكتر وأكتر بعد الجواز بس طلعت غلطانة بعد اللي شوفته من أول شهر دا، سبت البيت كتير وأهلي اتكلموا معاه كتير عشان يحترم نفسه معايا بس برضوا مفيش فايدة فيه خالص"، انهت رواياتها قائلة: "تعبت منه ولقيت إن كل المحاولات مش جايبة معاه نتيجة رحت سبت البيت ورفعت عليه قضية طلاق بقالي 5 شهور"، ولا تزال الدعوى منظورة في محكمة الأسرة حتى الآن.
تابع أحدث الأخبار عبر
