أخبار محكمة الأسرة
محكمة الأسرة .. سهير: مخلص مرتبه ومرتبي على مزاجه
حياة بائسة انتهت بين جدران محكمة الأسرة خلال الدعوى التي أقامتها سهير بعد 15 عام وهي تحاول في إصلاح حياتها مع زوج لا يهمه بيته وأولاده ولا يلتفت إلا لمزاجه فقط دون الاعتبار لمتطلبات أولاده، علاوة على أنه يأخذ مرتبها عنوةً منها ليغطي مصاريف كيفه، قررت بعد كل هذه السنوات أن تقصد محكمة الأسرة ورفع دعوى طلاق.
حكايات محكمة الأسرة.. أول سنة ونص كان كويس معايا
استهلت سهير مأساتها لقاضي محكمة الأسرة مؤكدة أنها لم ترى من الحياة السعيدة التي رسمتها في بالها إلا سنة ونصف فقط لتجد بعد ذلك معاناة مع زوج لا يرعاها هي واولادها ومن هنا بدأت المشكلات، تابعت قائلة: "أول سنة ونص من الجواز كانت الدنيا حلوة اوي بينا ومفيش مشاكل بس معرفش اية اللي حصل بعد كدا وكل حاجة اتبدلت من ساعة ما بقا يشرب القرف اللي صحابه عرفوه عليه وبقا مدمن من ساعتها".
قصص محكمة الأسرة.. مخلص مرتبي ومرتيه على مزاجه
بدأت المشكلات في التصاعد بينهما بسبب إنفاق أمواله وأموالها على إدمانه فقط دون النظر لمتطلبات بيته وزوجته، لذا طلبت منه الطلاق أكثر من مرة ولكنه رفض وعندما وجدت أنه لا جدوى من محاولاتها معه قررت قصد محكمة الأسرة، تستكمل رواياتها للقاضي قائلة: "بقا مخلص مرتبه على القرف اللي بيشربه دا ومش مكفيه إنه مبيصرفش مليم على البيت لا كمان بقت بياخد مرتبي انا كمان عشان يضيعه على مزاجه"، أضافت: "كنت بصرف على العيال من مرتبي بس حتى دا بقا مخلصه برضو على المخدرات والحشيش، ومبقتش عارفة أصرف على العيال خالص وهو مش فارق معاه أصلاً".
قضايا محكمة الأسرة.. سهير في دعوى طلاق
توسلت سهير بدعوى الطلاق التي أقامتها في محكمة الأسرة حتى تنقذ نفسها وأولادها من الحياة التي يعتريها المخدرات، أضافت للقاضي: "استحملت سنة واتنين لحد 15 سنة وأنا كل مرة أفكر فيها إني اتطلق أقول معلش اكيد هيتغير واستحمل وخلاص عشان خاطر العيال بس هو مش فارق معاه حاجة ولما لقيت مفايش فايدة فيه خالص ملقتش غير إني ارفع عليه قضية طلاق".
تابع أحدث الأخبار عبر
