أخبار محكمة الأسرة
محكمة الأسرة.. فدوى: مغفلني ومسافر مع صاحبتي يقضي شهر العسل
كانت محكمة الأسرة هي النهاية التي وصلت لها «فدوى» بعد الخيانات التي تعرضت لها مع زوجها وصديقتها، تزوجت «فدوى» وكانت حياتها طبيعية مع زوجها واولادها ولم تتوقع ابدا في النهاية ان تصل لمحكمة الأسرة حتى تحصل على حقوقها بعد المشاكل التي حدثت بينهم بسبب خيانة زوجها لها مع اعز صديقاتها وخسرت بسببها ثقتها في الناس وفي نفسها.
قصص محكمة الأسرة.. اتجوزت حب الجامعة
قالت «فدوى» في بداية حديثها: «أنا اتجوزت من 2016 وخلفت منه ولد وبنت اتعرفنا على بعض في الجامعة ، وكنا بنحب بعض جدا، اتقدملي بعد ما خلصنا جامعة على طول الأول، اتجوزنا وكنا مبسوطين جدا مع بعض ومفيش مشاكل وحتى المشاكل كانت العادية وبنحلها مع بعض على طول».
حكايات محكمة الأسرة.. حاولت كتير اني احل المشاكل بيني وبين جوزي
تابعت «فدوى»: «الحياة كانت عادية الخلافات بينا كانت العادية كانت بتكتر مع المسؤولية والحياة حاولت كتير أن الدنيا تكون كويسة ومفيش مشاكل ولفترة فعلا مكنش في مشاكل وكنت فاكرة اننا خلاص رجعنا زي الأول ومفيش مشاكل لكني كنت غلطانة».
دعاوي محكمة الأسرة.. فهمني انه مسافر في شغل وهو مع واحدة تانية
أكملت الزوجة حديثها: «لحد ما جات فترة شكيت ان جوزي بيخوني زي أي ست بتحس بجوزها، مكنتش عارفة اثبت عليه حاجة عديت الموضوع وسكت ومتكلمتش، لحد ما اكتشفت أنه كان واخد واحدة وسافر برة مصر وقعدوا شهر سوا وكان مفهمني أنه مسافر عشان الشغل الصدمة وقتها لما عرفت هي مين».
قضايا محكمة الأسرة.. بيخوني مع صاحبتي اللي بتطمن عليا
أنهت «فدوى» حديثها: «طلع بيخوني مع واحدة صاحبتي كانت زميلتنا احنا الاتنين، كان بيجيبها أسلم عليها وأنا اقولها ازيك يا حبيبتي واتعامل معاها بحسن نيه على انها صاحبتي مكنتش أعرف اللي فيها، وهي وكانت على طول تسألني على بيتي ولو فيه مشاكل وكنت فاكرة انها بتعمل كدة عشان تطمن عليا لكني كنت غلطانة، لما واجهته مأنكرش وسيبته من وقتها ورفعت عليه قضية خلع عشان مقدرش أكمل معاه بعدما خدعني وضحك عليا».
تابع أحدث الأخبار عبر
