أخبار محكمة الأسرة
محكمة الأسرة .. مروة: أمه مفترية وبوظت حياتنا وبتضرب العيال بالكرباج
دعوى طلاق في محكمة الأسرة ، بمثابة طوق نجاة لمروة حتى تتخلص من المشكلات والخلافات مع زوجها وحماتها بالأخص التي تعاملها هي والأولاد معاملة سيئة وزادت مع مرور الوقت ما جعل الحياة صعبة بالنسبة لها، فكانت دعوى طلاق أقامتها في محكمة الأسرة منذ 6 أشهر هي الحل الذي توسلت إليه.
قصص محكمة الأسرة .. أمه بوظت حياتنا
أول ما بدأت به مروة رواياتها للقاضي هو حياتها في بداية الزواج مؤكدة على أنها كانت تنعم بالاستقرار والسعادة ولكن تحول كل هذا الاستقرار عندما بدأت والدة زوجها في التدخل بينهما، تابعت: "حياتنا كانت كويسة ومفيش أي مشاكل بس كل حاجة اتغيرت بسبب أمه اللي مش فاهمالها حاجة ومش فاهمة هي بتعاملني كدا ليه أنا والعيال".
حكايات محكمة الأسرة .. أمه بتضرب العيال بالكرباج
حاولت مسايرة أمورها حتى لا تفتعل المشكلات ، ولكن حماتها هي التي تفتعل الخلافات يوميًا بينهما بسبب وبدون سبب ، تستكمل مروة حكايتها وتقول: "بتقف لي على لواحدة وكل حاجة بعملها مش عاجباها ، كنت بطنش في الأول عشان معملش مشاكل بس هي زادت فيها أوي معايا وأنا مبقتش قادرة استحملها خلاص"، أضافت: "كنت بعدي وبسكت بس معاملتها اللي زي القرف زادت معايا أنا والعيال وكمان بقت بتضرب العيال لو عملوا أي حاجة"، تابعت: "بتحب ولاد اخوه اكتر من ولادي وكل ما يعملوا حاجة تضربهم، وفي مرة كنت سيباهم في البيت ورايحة اجيب حاجة لقيت العيال بتقولي تيته ضربتنا بالكرباج، كنت فاكراهم بيقولوا أي كلام بس لقيت جسمهم فعلاً معلم من الضرب".
قضايا محكمة الأسرة .. مروة في دعوى طلاق
لم تتحمل أن نكمل حياتها بهذه الطريقة ما جعلها تطلب الطلاق أكثر من مرة، عندما رفض أصرت في المرة الأخيرة أن تقصد محكمة الأسرة من أجل رفع دعوى طلاق، تتابع مروة وتقول: "خدت العيل ومشيت عشان مكنتش قادرة استحمل المعاملة دي معها ولا مع العيال، وعشان كدا رفعت قضية طلاق بقالي 6 شهور عشان أعيش أنا وعيالي بعيد عن الخناقات اللي أمه بتعملها معايا كل يوم"، ولا تزال القضية منظورة في محكمة الأسرة حتى الآن.
تابع أحدث الأخبار عبر
