أخبار محكمة الأسرة
محكمة الأسرة.. نورا: رجعلي بعد ما خد على قفاه من مراته التانية
مشاجرات كانت نهايتها أعتاب محكمة الأسرة بعد 15 عام تحملتهم نورا في قسوة وذل من زوجها الذي يتركها هي والأولاد في أي وقت يريده ويعود لهم عندما يحلو له مزاجه، قررت أخيرًا التخلص من هذه الحياة بعد ما عاد إليها بخيبته بسبب زوجته التي نصبت عليه للمرة الثانية مع العلم أنها التي فضلها على أولاده وكانت هي في النهاية سبب "تفليسه".
قصص محكمة الأسرة .. مش عارفة هو عايش معانا ولا لا
"رجعلي لما اتنصب عليه" كانت هذه العبارة الأولى التي بدأت بها نورا رواياتها لـ "الحادثة" تستكمل باقي قصتها لتوضح لنا سبب تواحدها في محكمة الأسرة قائلة: "بقالي 15 سنة وهو مطلع عيني وعشان عارف إني هستحمل عادي بيعمل اللي هو عايزه معايا، وأنا باجي على نفسي عشان خاطر العيال وبقول مش مهم أي حاجة تاني".
حكايات محكمة الأسرة .. اتجوزني بعد ما اتنصب عليه
تسترجع لنا تفاصيل قصتها من بداية الزواج وتقول: "بعد جوازنا بسنتين عرفت انه كان متجوز واحدة نصبت عليه عشان كدا جه اتجوزني عشان عرف اني كويسة، المشاكل بينا ظهرت بعد الجواز لآنه مبقاش عايز يصرف على البيت ، منوهه إلى أنه بعد اتجوزنا عرفت أنه رجع لزوجته الأولى وبقي مش موجود معانا شوية يجي يقعد معانا وشوية يمشي وأنا مش فاهماله حاجة، وبالنسبة للمصاريف مبيدنيش مليم وانا مكنتش بحتاج منه حاجة عشان بشتغل وبصرف على العيال ومش محتاجة منه حاجة الحمدلله".
أخبار محكمة الأسرة.. محرمش ورجعلها تاني
كانت تتراجع نورا في كل مرة تفكر في الانفصال من أجل الأولاد لا من أجل شيء أخر ولكن بدأت تفكر جديًا في الأمر بعد ما تمادى الزوج في تصرفاته، تابعت: "كنت لما باجي أفكر في الطلاق كنت بقول خليني وخلاص مش مهم استحمل عشان خاطر العيال، واحنا أصلا في العادي مبنشوفهوش غير بمزاجه حتى العيال مبقوش يحبوا يقعدوا معاه خالص عشان مش بيشوفوه غير كل فين وفي وكمان بيبقى بمزاجه".
محكمة الأسرة اليوم .. رجعلي لما اتنصب عليه
أصرت على اللجوء إلى محكمة الأسرة ورفع دعوى طلاق، أوضحت لنا ما السبب الذي جعلها تصر على الطلاق قائلة: "نصبت عليه تاني في الأربع عمارات بتاعته، وطبعا لما ملقاش مكانه يلمه رجعلي أنا والعيال وبيقولي عايز أعيش معاكوا ومش هتجوز تاني، بس أنا مرضتش وطلبت منه الطلاق مرضيش"، تابعت: "مش هسكتله تاني عشان أنا مش تحت أمره، وهو لما مكنش اتنصب عليه مكنش رجع"، توجهت على محكمة الأسرة من أجل رفع دعوى طلاق بعد 15 عام من زواجهما .
تابع أحدث الأخبار عبر
