أخبار محكمة الأسرة
محكمة الأسرة .. سماح: أمه بتحاسبني على النفس وعندها دخول الحمام بحساب
كان السبب وراء تواجد سماح في محكمة الأسرة بزنانيري هو مشكلاتها مع حماتها بسبب رغبتها السيطرة على المنزل حتى أنها شعرت بالتقييد وعدم التصرف بكامل حريتها، بعد مشكلات وخلافات كثيرة ام تجد إلا دعوى طلاق في محكمة الأسرة تنقذها من كل هذا.
محكمة الأسرة .. سماح: أمه بتحاسبني على النفس وعندها دخول الحمام بحساب
حكايات محكمة الأسرة .. أمه بتتدخل في كل حاجة بنعملها
تستهل سماح رواياتها لقاضي محكمة الأسرة وتوضح مبررها لرفع دعوى طلاق قائلة: "اخر سنتين وأمه بتتدخل في حياتنا بطريقة غريبة ، وهي اللي بتقول نعمل إيه ومنعملش إيه، وكل حاجة بنعملها تتدخل فيها وتفتحلي تحقيق ومبخلصش منها"، تتابع: "كلمت جوزي مرة واتنين إن الحوار دا بيضايقني وهو ولا بيعمل أي حاجة ، وكل مرة يسكتني بكلمتين، بس الموضوع كبر وبقى تحصل خناقات كتير بسببها"
قصص محكمة الأسرة .. لو رايحة الحمام بتسألني رايحة فين
أكدت سماح لقاضي محكمة الأسرة أن حياتها الزوجية قبل تدخل حماتها لافي أمورهما لشخصية كانت سعيدة ومستقرة ولكن كل المشكلات بدأت منذ تدخل حماتها في الأمور الصغيرة قبل الكبيرة، تابعت سماح: "في الأول مكنتش بتتدخل في أي حجة مش فاهمة ليه جاية تتدخل دلوقتي من غير سبب ومن ساعتها وحياتنا بايظة"، استكملت الزوجة للقاضي قائلة: "بقت خنقاني وكل حركة في البيت بحساب، دا انا لو داخلة الحمام بتسألني رايحة فين ولو جيت طالعة شقتي تقولي انتي رايحة فين متطلعيش شقتك دلوقتي، عايزاني أربعة وعشرين ساعة قاعة معاها تحت ومطلعش شقتي خالص فوق".
قضايا محكمة الأسرة .. سماح في دعوى طلاق
قصدت سماح دعوى طلاق في محكمة الأسرة بعد ما سئمت من حياتها وتدخل حماتها في حياتها بطريقة لم تتحملها لذا فكانت النتيجة بعد كل المشاجرات والخلافات هي دعوى الطلاق، تضيف سماح إلى حديثها: "تعبت ممنها بصراحة ومن تدخلاتها في كل حاجة بنعملها وجوزي كمان مش بيعترض على أي حاجة هي بتقولها وبتعملها، وانا مبقتش عارفة اتصرف براحتي وحاسة إن حد مكتفني، اتخانقت كتير وأهلي اتدخلوا وفهموه إن دي حياتنا ومينفعش حد تاني يتدخل بس هو مش مقتنع"، عندما تأكدت تأنه لا يوجد أي تعديل في حياتها قررت ىالهروب من هذ الحياة من خلال رفع دعوى طلاق.
تابع أحدث الأخبار عبر
