أخبار محكمة الأسرة
محكمة الأسرة.. عزة تطلب الخلع: 68 سنة وعلى ذمته 3 نسوان مش مكفينه
في واحدة من أغرب القضايا في محكمة الأسرة رفعت «عزة» دعوى خلع على زوجها وكانت أسبابها هي المختلفة عن جميع السيدات، فرفعت الزوجة الدعوى على زوجها بعد 30 عامًا من الزواج، وكان السبب أنه مزواج ولم يقدرها أو يحترمها طوال سنين زواجهما، وبعد تحملها له سنوات عديدة فاض بها الكيل، واليوم وبعد أن أصبح على ذمته 3 سيدات لم تستطع تحمل رغباته المفرطة لتكون محكمة الأسرة هي حلها الأخير.
قضايا محكمة الأسرة.. مشاكلنا زي اتنين متجوزين
قالت «عزة» في بداية حديثها: «أنا اتجوزت من 30 سنة ومعايا من جوزي 3 أولاد، كان جواز تقليدي اتجوزنا واحنا صغيرين، وطول عمرنا عايشين والدنيا كويسة ومفيش مشاكل غير العادية زي اتنين متجوزين وكانت بتتحل والدنيا ماشية وكان بيصرف عليا وعلى الولاد ومش مخلينا محتاجين حاجة».
دعاوي محكمة الأسرة.. جوزي بيهددني يتجوز عليا
أكملت الزوجة حديثها: «المشاكل كلها بدأت لما كبرنا في السن شوية والخلافات بدأت بسبب أن جوزي طول الوقت عايزني، وكان على طول بيقول إنه هيتجوز عليا عشان أنا مش مكفياه بس كنت بقول إن دي فترة وهتعدي ومش هيعمل حاجة بس مفيش فايدة المشاكل كل ماد كانت بتزيد».
قضايا محكمة الأسرة.. جوزي اتجوز عليا أكتر من 7 مرات
تابعت «عزة»: «لحد ما اكشفت أن جوزي متجوز عليا وقتها سكت ومتكلمتش عشان مخربش بيتي، لحد ما اتجوز عليا أكتر من 7 مرات كل شوية يتجوز ويطلق وأنا على ذمته وكل اللي اتجوزهم دول أنا كنت معاه ومسيبتوش عشان خاطر بيتي وولادي».
حكايات محكمة الأسرة.. متجوز 3 ستات ومش مكفينه
أنهت «عزة» حديثها وقالت: «بعد كل الجوازات دي أنا مبقتش قادرة ألاحق عليه على طول عايزني وعنده رغبة زيادة لحد ما خلاص تعبت ومبقتش قادرة عليه، أنا عندي 63 سنة وهو عنده 68 سنة على ذمته 3 ستات ومش مكفينه، لحد ما تعبت من الحياة اللي أنا عايشاها دي وجيت المحكمة عشان أرفع عليه قضية خلع واخلص من الحياة دي، أنا الحياة كلها إهانة معاه ومبيحترمنيش».
تابع أحدث الأخبار عبر
