أخبار محكمة الأسرة
محكمة الأسرة.. أحمد: رفعت قضية عشان أقلل النفقة
تواجد «أحمد» في محكمة الأسرة وهو يحاول أن يحصل على مبلغ مناسب ليعطيه لأولاده ويصرف عليهم بما يقدر عليه، عندما ترك «أحمد» عمله في القاهرة وسافر للسعودية بحثا عن العمل كان أمله أن يوفر لأسرته ما يحتاجوه ولم يتوقع أن تكون نهايته في محكمة الأسرة، بسبب أنه لا يستطيع أن يكفي احتياجات أولاده بسبب عطله عن العمل، ومثل العديد من الأفراد في محكمة الأسرة مازال «أحمد» يحاول الحصول على حقوقه.
قصص محكمة الأسرة.. كنت عايز أكفي بيتي وولادي
قال «أحمد» في بداية حديثها: «أنا تجوزت أنا ومراتي من 13 سنة، خلفنا ولد وبنت، الدنيا كانت عادية ومفيش مشاكل، لحد ما جاتلي فرصة شغل في السعودية وكانت فلوسها أكتر سيبت شغلي في مصر وسافرت عشان الظروف المادية تتحسن وأكفي بيتي وولادي ومخليهمش محتاجين حاجة».
دعاوي محكمة الأسرة.. كل فلوسي كانت لبيتي وولادي
أكمل الزوج حديثه: «سافرت سنين السعودية والفلوس كنت ببعتها لمراتي ولادي، كل فلوسي كانت ليهم وأنا كنت بنزل اجازات بس، الدنيا كانت ماشية ومفيش مشاكل بيني وبين مراتي، أنا كنت بنزل في الأجازات وهي اللي مسؤولة عن الفلوس اللي ببعتها ليهم».
قضايا محكمة الأسرة.. ملقتش شغل لما رجعت مصر
تابع «أحمد»: «لحد ما رجعت مصر بعد ما تعبت من السفر الكتير، رجعت مصر تاني ومعرفتش أرجع شغلي القديم، قعدت في البيت ومبقتش لاقي شغل، المشاكل بيني أنا ومراتي وقتها بقت كل مادى تزيد، بسبب أن مفيش مصاريف وأنا مش معايا أكفي العيال، حاولت كتير أني الاقي شغل بس مفيش فايدة، والمشاكل بينا كل مادى كانت بتزيد ومبتقلش، لحد ما سابت البيت وطلبت الطلاق حاولت اني ارجعها بس مفيش فايدة».
حكايات محكمة الأسرة.. جيت أقلل النفقة اتحكم بزيادة
أنهى «أحمد» حديثه وقال: «رفعت عليا قضية نفقة للولاد واحنا بننفصل، اتحكم عليا بمبلغ ومقدرتش أدفعه مش معايا وجيت رفعت قضية عشان المبلغ يقل عشان مليش مصدر رزق لقيت المبلغ زاد، الإستئناف شاف ان المبلغ قليل وزوده، وأنا لسه مبشتغلش ولسه بدور على شغل لحد دلوقتي».
تابع أحدث الأخبار عبر
