أخبار محكمة الأسرة
محكمة الأسرة.. سارة: عترت فيه عن طريق أبلكيشن وفي الآخر طلع نصاب
تواجدت «سارة» في محكمة الأسرة وكانت قصتها عكس العديد من السيدات الآتي تزوجن ودخلن قفص الزوجية، فبدأت معانتها في محكمة الأسرة من قبل حتى أن تتزوج ويكون لها بيت وأسرة، بعد أن تعرفت على خطيبها واحبته استيقظت في يوم من الأيام على غدر منه، عندما قرر فجأة أن يتركها وينهي خطبتهم، واتهمها في النهاية بسرقة شبكتها التي أستلمها منها وجعل المحاكم هي نهاية قصتهم التي لم تبدأ حتى.
قصص محكمة الأسرة.. مخطوبة واترفع عليا قضية
قالت «سارة» في بداية حديثها: «أنا جيت المحكمة النهاردة عشان كنت مخطوبة واترفع عليا قضية من خطيبي رفع عليا قضية استرداد شبكة وهو أصلا واخدها، أنا اتعرفت عليه من على النت عن طريق برنامج جواز، كان شخص كويس ومفيش مشاكل معاه وأنا حبيته، اتفقنا انه يجي يتقدم وجه فعلا وكنت فاكرة أني هتجوز وحلمي هيتحقق، اتخطبت 15 /12 وفسخت 29/12».
دعاوي محكمة الأسرة.. كان مستعجل على الخطوبة والجواز
أكملت الزوجة حديثها: «جه أتقدم مفيش يومين أهلي قالوا هنسأل عليك قال لا يلا ننزل عشان نجيب الدهب عشان نلحق والدنيا بتغلى وأنا عايز أنجز ونتجوز، نزلنا جبنا الدهب وقال نقرا فاتحة الاسبوع الجاي، قرينا الفاتحة ومرضيوش يلبسوا الشبكة قالوا لسه عندنا وقت مفيش داعي للاستعجال».
قضايا محكمة الأسرة.. أمه فركشت الجوازة
تابعت «سارة»: «بعد أسبوع خطوبة أمه اتصلت وقالت احنا مش عايزين نكمل وانا حلمت أحلام أن الجوازة دي مش كويسة وأنا هاجي أخد الدهب، أمي قالت لا مش هينفع غير بقعدة رجاله وأمه شتمت أمي وقالتلها كلام مش كويس، هو في نفس اليوم كان بيكلمني عادي جه وقال نفركش وخد الشبكة ومضى على الإقرار إنه استلم حاجته».
حكايات محكمة الأسرة.. الخطوبة طلعت نصباية
أنهت «سارة» حديثها وقالت: «فسخ الخطوبة ومكملتش أسبوعين، وبعد ما خد حاجته ومضى على إقرار هو وجوز اخته انه استلم كل حاجة تخصه، أول امبارح المحضر كلمني وقالي إنه رافع عليا قضية استرداد شبكة، طلعت فكرة جديدة للنصب يخطب ويجيب الشبكة وياخدها وبعد كدة يرفع قضية انك خدتيها وي ترجعي الشبكة يا تدفعي حقها، وطبعا هو خدها فبتضطر أي واحدة في مكاني أنها تديله حقها عشان متتحبسش، إنما أنا لحقت نفسي وخليته مضى على إقرار انه استلم وجاية النهاردة المحكمة أقدمه».
تابع أحدث الأخبار عبر
