أخبار محكمة الأسرة
محكمة الأسرة ورواياتها.. مروة تطلب الطلاق: متجوزه نصاب وبيصرف علينا حرام
قصدت «مروة» محكمة الأسرة، لرفع دعوى طلاق بعد ما اكتشفت خداع زوجها لها طوال سنوات الزواج، وأن إدعاءه بأنه رجل خلوق كان مجرد كذب وخداع، تحولت حياتها لوكر من المشكلات اللانهائية بعد ما عرفت زوجها على حقيقته بعد عشر سنوات.
روايات محكمة الأسرة .. كان معيشني أنا والعيال أحلى عيشة
بدأت مروة رواياتها للقاضي تروي لها سبب لجؤها إلى محكمة الأسرة بعد ما اكتشفت أن زوجها الذي تعتبره السند له في الحياة "نصاب"، وأكمل الحديث قائلة: "راسم عليا دور الرجل المحترم اللي مفيش منه اتنين، وكان فعلاً بيعاملني أنا والعيال معاملة مفيش زيها ومكنش مخلينا عايزين حاجة"، تابعت: " اتفاجئت في الشارع من كذا حد قال لي إن جوزي واخد منهم فلوس ومرجعهاش ليهم، ومش حد واحد بس اللي قال لي كدا لقيت كتير جايين يشتكوا لي ".
قصص محكمة الأسرة .. طلع نصاب
أخذت صدمة العمر في زوجها الذي ظنت أنه يكون عوضها السعيد في الحياة ولكن للأسف كانت مجرد أحلام، أضافت: "قلت أكيد في حاجة غلط وهما كدابين ومكنتش مصدقة إنه يعمل كدا أبدًا، بس طلع كلامهم صح للأسف وهو فعلا نصاب ماشي ياخد فلوس من الناس على أساس إنه هيشغلهم الفلوس دي بس وبعد كدا بيختفي مبيدهمش أي حاجة".
دعاوي محكمة الأسرة .. رفع قضية طلاق
قصدت محكمة الأسرة في النهاية بعد 10 سنوات في حياة مستقرة سعيدة حلمت بأنها تستمر على الأسلوب للأبد ولكن تصرفاته كانت السبب الرئيس في دمار الحياة الزوجية، تستكمل مروة رواياته وتقول: "كل السنين دي وهو بيأكلنا بفلوس حرام، وكان مفهمني إنه بيراعي ربنا في كل حاجة بيعملها طلع ميعرفش أي حاجة عن ربنا اللي بيتكلم عليه ليل ونهار دا" تنهي قائلة: "مش عايزة أكمل حياتي مع راجل نصاب زيه وهو بيصرف علينا فلوس حرام وهو مش فارق معاه الموضوع أصلا"، لذا كانت دعوى الطلاق هي الحل الذي قصدته في النهاية لتتخلص من حياتها التي اكتشفت أنها كانت تعيش كل هذه السنوات في خداع مع رجل نصاب.
تابع أحدث الأخبار عبر
