أخبار محكمة الأسرة
محكمة الأسرة.. نسمة: الشورة والكلمة لأمه وأخرتها ضربتني وطردتني في نص الليل
كانت محكمة الأسرة هي الملجأ الذي توجهت له «نسمة» حتى تحتمي من القسوة التي رأتها في حياتها من زوجها طوال سنين زواجها منه، منذ زواج «نسمة» علمت أن حماتها مسيطرة على زوجها وينفذ كل ما تطلبه منه ويظلم زوجته وابنائه إذا طلبت منه أمه ذلك، وزادت قسوة الزوج وأمه على «نسمة» حتى طردوها من بيتها ومنعوها من رؤية أولادها عندما طلبت أكل لها ولأطفالها، حتى أوصلوها لمحكمة الأسرة لتطالب بحقوقها التي حرموها منها.
قصص محكمة الأسرة.. الكلمة كلمة أمه
قالت «نسمة»: «أنا اتجوزت من 2015 وخلفت من جوزي ولد وبنت وسيباه من سنتين، كان جواز تقليدي ومن ساعة ما اتقدملي وأنا عارفة ان أمه الكلمة كلمتها والشورة شورتها، بس قلت هعاملها زي أمي وان شاء الله تكون كويسة معايا لكن كنت غلطانة، بتتدخل في كل حاجة من ساعة ما اتجوزت».
دعاوي محكمة الأسرة.. بيصرف علينا لما أمه تديله الأذن
أكملت الزوجة حديثها وقالت: «امه كانت بتسلطه عليا لو قلت كلمة تقوله اضربها ومشيها ومتصرفش عليها، كان مبيطلعش الجنية غير لما أمه تؤمر ان ممكن يديني عادي، كان بيجوعني أنا والعيال ويسيبنا من غير أكل وشرب ولو اتكلمت يعكل معايا مشكلة».
حكايات محكمة الأسرة.. ضربني عشان بطلب أكل ليا والعيال
أكملت الزوجة حديثها: «لحد أخر مشكلة حصلت كنا في رمضان اتخانق معايا لما بقوله عايزة أكل للعيال قالي مش معايا وهجيب منين وأنا كنت عارفة إنه معاه، قالي مش هصرف اذا كان عجبك مش عاجبك امشي وروحي عند امك وهاخد العيال ومش هتشوفيهم، ومسكني ساعتها ضربني».
قضايا محكمة الأسرة.. جوزي وامه ضربوني
أضافت الزوجة باكية: «اتصل بامه عشان تيجي تمشيني ياما هيموتني، ولما جت هما الاتنين ضربوني وشتموني وبهدلوني هو وأمه، قلتلها حرام عليكي لو بنتك ترضي يتعمل فيها كدة قالتلي بنتي خط احمر متجبيش سيرتها، العيال صحيوا مفزوعين من اللي بيحصل جيت اروح لعيالي حماتي وقفت قدام الباب ومخلتنيش اشوفهم، وجوزي قال ملكيش عيال وطردني في عز الليل، ومن ساعتها بحاول اجيب عيالي ورفعت قضية حضانة وخلع».
تابع أحدث الأخبار عبر
