أخبار محكمة الأسرة
محكمة الأسرة وحكاياتها .. أسماء: مبيعرفش ياخد قرار في حياتنا إلا لما يشاور أمه
لجأت شابة في العشرينات من عمرها إلى محكمة الأسرة حتى تقيم دعوى طلاق ضد زوجها لتنقذ نفسها من حياتها التي لا تشعر فيها بأي خصوصية ما جعل المشكلات تنشب بينها وبين حماتها التي تريد السيطرة على كل حياتهما، بعد فترة طويلة من المشكلات والخلافات كان الحل الأمثل هو رفع دعوى طلاق.
محكمة الأسرة وقصصها
"تعبت منه ومن أمه اللي مربيالي الرعب دي في تعامله معايا" كانت هذه الكلمات الأولى التي بدأت بها أسماء حديثها لـ "الحادثة" مؤكدة على أن حياتها كانت مستقرة قبل تدخل حماتها في أمورهما الخاصة، تستكمل قائلة: "من ساعة ما اتجوزنا كنا زي الفل وحياتنا ماشية كويس ومفيش أي حاجة، بس من ساعة ما حماتي بدأت تتدخل في حياتنا وكل حاجة بايظة بسبب إنها عايزة هي اللي تتصرف في كل حاجة ومش عايزة يبقى ليا رأي ولا قرار في أي حاجة".
حكايات محكمة الأسرة
استكملت رواياتها وهي تسترجع شكل حياتها قبل أن تتدخل حماتها فيها مؤكدة على أنها نعمت بسعادة مع زوجها في عش زوجية مستقر بلا منازعات وخلافات، قالت أسماء: "مكنش في مشاكل بينا في اول الجواز عشان كنا في حالنا ومفيش أي حد بيتدخل بينا، بس فجأة أمه قررت تتدخل وتنغص علينا حياتنا وبقت عايزة تقول نعمل إيه ومنعملش إيه"، تابعت: "ولما نبقى بنتكلم في أي حاجة وانتا أقول أي حاجة، يروح يقول لأمه الأول يشوف هتقول إيه واللي بتقوله هو اللي بيمشي ومبيهتمش باللي أنا بقوله".
قضايا محكمة الأسرة
سئمت الزوجة من تدخلات حماتها في حياتها بشكل لا يُحتمل، والذي جعل المشكلات تتصاعد هو عدم اتخاذ الزوج لأي قرارات في حياتنا تارك والدته هي المتحكمة في كل شيء، أضافت أسماء: "مشاكل كتير حصلت بينا بسبب الموضوع دا، وكل ما أجي اكلمه مبيسمعليش في أي حاجة، مش عارفة أعيش مع راجل مبيعرفش يأخد أي قرار في حياته إلا لما ياخد رأي أمه الأول، ومش معتبرني موجودة في حياته أصلا"، توجهتت على الفور إلى رفع دعوى طلاق في المحكمة ولا تزال القضية منظورة حتى الآن.
تابع أحدث الأخبار عبر
