أخبار محكمة الأسرة
محكمة الأسرة .. سلوى: رافعة قضية مرازية فيه مش عشان الفلوس
سلكت سلوى طريق محكمة الأسرة لرفع دعوى نفقة ضد زوجها الذي عانت معه لأكثر من 6 سنوات في حياة لا تعرف فيها إلا التعاسة التي حاوطت عش الزوجية من جميع الجهات بسبب أسلوبه الهمجي معها وتركهم وقتما شاء دون مراعاة مسئولية زوجته وبنته الوحيدة لذا فكانت محكمة الأسرة بزنانيري هي الحل.
قصص محكمة الأسرة .. بقالي 6 سنين شاربه معاه المر
مر عام واثنين حتى وصلت للعام السادس من الزواج ولم يتغير الزوج ما جعل المشكلات تتفاقم يوم بعد يوم بسبب تصرفات الزوج التي لم تجد لها سلوى أي مبرر وكانت نتيجة كل محاولاتها معه هي محكمة الأسرة، تابعت: "بقالي 6 سنين شاربة معاه المر وأقول هيتعدل بس مفيش حاجة بتتغير بالعكس المشاكل بتزيد بسبب إنه مش عاي يتحمل المسئولية وفي أي وقت الاقي مشي وساب البيت من غير ما يعمل لي حساب أنا وبنته"، أضافت سلوى: "مش لاقية سبب للي هو بيعمله دا وكملته كتير إنه يخلي باله من البيت عشان بنته الصغيرة دي بس هو مبيسمعش لحد واللي في دماغه في دماغه".
حكايات محكمة الأسرة .. رافعة قضية مرازية فيه
استمر الزوج على نفس الأسلوب ما جعل الزوجة يفيض بها الكيل وتطلب منه الطلاق وللكنه رفض، وجدت طريقة تأدبه بها من خلال رفعها لدعوى نفقة في المحكمة من أجل "المرازية"، تستكمل سلوى باقي رواياتها وتقول: "فضل بنفس الأسلوب مبيتغيرش معتمد إن أنا بشتغل ومعايا فلوس أصرف عليا أنا والبنت فا خلاص كدا كل المشاكل اتحلت، طلبت منه الطلاق عشان اخلص من العيشة اللي انا عايشاها دي بس هو مش راضي"، تتابع: "فكر إني أرفع عليه قضية نفقة مش عشان عايزة منه فلوس لا عشان ارازي فيه واعرفه إن الله حمق عشان يركز مع بيته وبنته شوية بدل ما هو عايش براحته كدا مش مراعينا".
أخبار محكمة الأسرة .. سلوى في دعوى نفقة
دعوى نفقة في محكمة الأسرة بزنانيري كانت هي الحل الذي شعرت سلوى بأنه الحل لمشكلتها الزوجية حتى يشعر بالمسئولية، اختتمت رواياتها للقاضي قائلة: "جيت ارازي فيه عشان بقالي 6 سنين وأنا بتكلم معاه إنه يخلي باله من بيته وبنته بس هو مش راضي برضو، ملقتش غير قضية النفقة عشان اعملمه الأدب عشان مكفرني من ساعة ما اتجوزت".
تابع أحدث الأخبار عبر
