محكمة الأسرة.. فاطمة: جنني وبقيت أشد في شعري بسببه
حياة تعيسة بكل المقاييس جعلت فاطمة تقصد محكمة الأسرة من أجل رفع دعوى طلاق تنقذها من حياتها مع زوج يعنفها طوال الوقت حتى أصابها بالجنون وأصبحت لا تتحمل يوم واحد تعيشه معه في ذات المنزل ما جعلها تلجأ لدعوى طلاق في نهاية المطاف.
حكايات محكمة الأسرة
تستهل فاطمة حديثها للقاضي وتروي سبب قصدها لرفع دعوى طلاق وأول ما قالته هو مبقتش عارفة أعيش معاه بسبب أسلوبه وتصرفات اللي بقى عليا صعب استحمله وهو بيتعامل معايا بالأسلوب دا"، أكملت وهي تسترجع شكل حياتها في بداية الزواج قائلة: "كانت حياتنا كويسة وكل حاجة تمام بس بقاله فتره كبيرة متغيرة وكل حاجة اتشقلبت بقالنا 10 سنين مش عارفة ليه، اتغير في كل حاجة أسلوبه وتعامله معايا أنا والعيال ، بس كنت بقول مش مهم اتحمل وكنت فاكرة إنه هيتغير بس مفيش أي حاجة اتغيرت ".
قصص محكمة الأسرة
حاولت إصلاح حياتها أكثر من مرة ولكن الأمور تتعقد أكثر مع مرور الوقت ما جعلها تشاور عقلها في اللجوء لمحكمة الأسرة ولكنها تركتها لأن تكون الطريق الأخير التي تقصده بعد ما تصل لطريق مسدود، تابعت : "أسلوبه صعب اوي في التعامل طول الوقت زعيق وخناق على أي حاجة لحد ما جبت أخري، حاولت معاه كتير عشان يغير أسلوبه بس مفيش فايدة فيه"، أكملت قائلة: "جيت على نفسي كتير لحد ما بقيت هطق من اللي أنا فيه والله، رحت عند اهلي كتير ونرجع برضوا لنفس الأسلوب برضوا، فكرت غفي الطلاق بس قلت لا بلاش اخرب بيتى عشان خاطر العيال اللي ملهمش ذنب".
دعاوي محكمة الأسرة
وصلت حياتهما لـ "حارة سد" كان الحل الوحيد لها هو محكمة الأسرة لذا لجأت لرفع دعوى طلاق بعد ما أصابها لجنون بسبب تصرفاته وأسلوبه معها، تستكمل فاطمة رواياتها : "تعبت نفسيًا واتجننت وبقيت أشد في شعري بسببه وبسبب أسلوبه معايا، ومبقتش قادرة أعيش يوم واحد تاني زيادة عشان كدا طلبت منه الطلاق بس هو مرضيش"، انهت حكاياتها للقاضي وعيونها تمتلىء بالحسرة : "حسيت إني ضيعت سنين من عمري على الفاضي ومستفادتش أي حاجة غير إنه تعبني نفسيًا، عشان كدا رفعت عليه قضية طلاق آخر ما جبت أخري".
تابع أحدث الأخبار عبر
