أخبار محكمة الأسرة
قصص محكمة الأسرة.. حسناء تطلب الخلع: عواطلي وعاوز يعيش عالة على أهلي
كانت محكمة الأسرة هو الحل الذي لجأت له «حسناء» بعد زواج كان الألم يملأه بدل الحب بسبب زوج لم يريد تحمل المسؤولية وجعل زوجته تعيش حياة صعبة معه؛ فلم ترى منه سوى القسوة والقهر والإهانة، وحاولت أن تحافظ على بيتها لكن عندما وجدت نفسها تعيش حياة لا يمكن أن يتقبلها أي شخص توجهت لمحكمة الأسرة حتى تحصل على حقوقها وعلى حريتها.
قصص محكمة الأسرة
قالت «حسناء» في بداية حديثها: «أنا اتجوزت من 4 سنين، كان جواز عن حب كنت أعرفه من وانا في ثانوي، واتجوزنا بعد ما اتخرجنا من الجامعة طول الفترة اللي عرفته فيها دي الدنيا كانت عادية ولما اتجوزنا افتكرت أني خلاص عرفته ومفيش مشاكل بينا لكن كنت غلطانة الحقيقة بانت بعد الجواز»
حكايات محكمة الأسرة
تابعت «حسناء»: «أول الجواز كان عادي ومفيش مشاكل غير الخلافات العادية لكن بعد الخلفة المشاكل زادت بقى مش عايز يشيل أي مسئولية وعلى طول في مشاكل بسبب المصاريف، لحد ما الخلافات بقت توصل إنه يضربني مكنتش أتوقع أنه يبقى كدة معايا بس ده اللي حصل.»
دعاوي محكمة الأسرة
أكملت «حسناء»: «حاولت معاه كتير إنه يتعدل لكن مفيش فايدة، على طول قاعد في البيت ولما أقله ينزل ويشتغل يقولي مش لاقي شغل، امه كانت بتديله فلوس عشان المصاريف وأهلي كانوا عارفين أن الظروف وحشة وكانوا بيساعدوني لكن هو كان بيرفض ويبهدلني لو عرف إنهم ادوني حاجة، كانوا بيبعتوا فلوس عشان يساعدوني من وراه وهو كانت عاجباه العيشة كدة بس طبعًا مكنش ينفع، ولما أتكلم معاه يمسكني يضربني، الضرب كل مادى كان بيزيد وأنا أسكت ومش بتكلم ولا اشتكي لحد.»
قضايا محكمة الأسرة
حاولت «حسناء» بكل الطرق أن تحافظ على بيتها وأسرتها لكن العذاب الذي عاشته مع زوجها كان أقوى من قدرة تحملها، مختتمة حديثها متأثرة: «لحد آخر مرة حصلت مشكلة ضربني في الشارع عشان أهلي عزموني على الغذا وهو كان عايزني أجيب منهم فلوس لكن أنا رفضت عشان كدة ضربني، قررت وقتها اسيبه ومرجعلوش تاني ورفعت عليه قضية خلع ونفقة عشان أخد منه حقي وأخلص منه، أنا خلاص كرهته».
تابع أحدث الأخبار عبر
