محاكم الأسرة
محكمة الأسرة.. سهى للقاضي: حارمني من عيالي عشان عايزة اخلعه
يهتم موقع الحادثة بحوادث وأخبار محكمة الأسرة لذا يعرض أهم القضايا التي تشهدها محاكم الأسرة كل يوم ضمنهم "سهى" التي استغاثت بالقضاء بعد ما تأكدت أن لا حل ينجدها مثله، لذا كانت دعوى الخلع التي أقامتها وسيلتها التي تنهي بها تعاستها الزوجية.
قصص محكمة الأسرة
"واخد العيال مني ومعرفش عنهم أي حاجة" كانت هذه العبارة الأولى التي بدأت بها سهى ، رواياتها لـ الحادثة مضيفة أنها تعاني مع زوجها من بداية الزواج تقريبًا ولكنها كان لديها أمل بأن الأمور تتعدل في يوم من الأيام ، ولكن الوضع كان يتعقد أكثر في الحقيقة ما جعل المشكلات تتفاقم يوم بعد يوم، أضافت: "ميتعاشرش بمعنى الكلمة وانا صابرة وساكتة ومستحملة عشان مخربش البيت بس خلاص هو مش راضي يتغير ولا يغير أسلوبه معايا حتى أنا والعيال".
أخبار محكمة الأسرة
تفاقمت المشكلات بطريقة جعلت الحياة بينهما شبه مستحيلة ما جعلها تفكر في الانفصال أكثر من مرة ولكن كانت تتراجع من أجل الأولاد، تابعت: "حياتنا كلها مشاكل وخناقات ليل ونهار بسبب طريقته وتعامله اللي مش مخلي أي حد يعرف يتعامل معاه، ورغم كل دا صبرت معاه واستحملته كتير واستحملت قرفه أنا والعيال كتير، كنت فاكرة إنه هيتغير أوهيقدر صبري معاه كل السنين دي"، تستكمل: "طلبت منه الطلاق قبل كدا بي قالي إنه مش هيطلق ولو طلبت منه الطلاق تاني هياخد مني العيال وهيحرمني منهم، كنت بخاف على العيال عشان كدا كنت بشيل موضوع الطلاق من دماغي بس العيشة معاه صعبة أوي بجد وصعب التفاهم معاه في أي حاجة".
قضايا محكمة الأسرة
على الرغم من تهديد الزوج لها بأنه سيأخذ منها أطفالها إذا قررت طلبها بالطلاق مرة أخرى إلا أنها لم تتحمل أن تكمل حياتها معه في المأساة التي تعيشها منذ 12 عام بالكامل، تختتم حكاياتها لـ "الحادثة" وتقول: "لمالا لقيته مصمم إنه ميطلقش قلت مفيش غير الخلع اللي هيخليني أخلص منه، خدت العيال ورحت عند بيت أهلي ورفعت عليه قضية خلع ولماعرف إني رفعت عليه قضية خلع جه خد مني العيال بالعافية من بيت أهلي وقال لي مش هتشوفيهم تاني ووقتها مكنش فيه حد معايا ومعرفتش أخد منه العيال"، تستكمل سهى باقي إجراءات دعوى الخلع التي أقامتها منذ 3 شهور ولا زالت الدعوى منظورة في المحكمة حتى الآن.
تابع أحدث الأخبار عبر
