أخبار محكمة الأسرة
محكمة الأسرة.. طارق: نفسي أشوف بنتي وأربيها بعد ما أمها خطفتها
العديد من القضايا تتواجد يوميًا أمام محكمة الأسرة ترفعها سيدات على أزواجها، ولكن يتواجد أيضا العديد من الرجال الذي رفعت عليهم زوجاتهم قضايا بغرض أن تدمر حياة الرجل مستغلة الحقوق التي ضمنها لها القانون استغلال سيء، إذا يتواجد العديد من الرجال المظلومة أمام المحكمة مثل العديد من السيدات المظلومة، وكان «طارق» أحد الرجال المظلومين الذي كان حلمه الوحيد أن يرى ابنته ويربيها تربية حنينة لكن أطماع والدتها منعته من تحقيق حلمه.
قصص محكمة الأسرة
بدأ «طارق» سرد حكاية زواجه المؤلمة قائلًا: «أنا في المحكمة بسبب طليقتي، احنا اتجوزنا من 2015 فضلنا مع بعض سنتين بس، وخلفنا بنت واحدة بس وكان عندها سنة واحدة لما اتطلقنا، كان جواز تقليدي عرفتها عن طريق ناس قرايبنا، اتقدمت واتجوزنا والمشاكل كانت موجودة من زمان بس كنت بمشي الدنيا عشان منخربش البيت بس مفيش فايدة».
حكايات محكمة الأسرة،
أكمل «طارق» حديثه وقال: «اتطلقنا بسببها كان مش عاجبها حاجة على طول تطلعاتها زيادة ومش راضية بحياتنا ولا بظروفي، انا كان مرتبي كويس ومش مخلي بيتي محتاج حاجة، بس هي كان على طول مفيش حاجة عاجباها، الخلافات كل مادي بتزيد لحد ما خلاص مبقيناش قادرين نكمل سوا، ومن ساعة الطلاق وانا حياتي متبهدلة.»
حوادث محكمة الأسرة
تابع الزوج: « لما اتطلقنا بعد العدة على طول اتجوزت واحد بحريني عشان يحقق لها طموحاتها اللي هي عايزاها، سافرت الخليج ورفعت عليا القضايا وخدت بنتي معاها ومشوفتهاش من ساعتها، رفضت اني اشوفها لما طلبت اشوفها وحرمتني من بنتي من ساعة الطلاق وكانت عندها سنة بس وقتها، نفسي أشوف بنتي وأصرف عليها وأربيها لكن طمع أمها عاميها وخلاها تبعدها عني، رفعت رؤية عشان أقدر اشوفها لكن مفيش فايدة ».
قضايا محكمة الأسرة
أنهى «طارق» حديثه: «رفعت عليا جميع أنواع القضايا من ساعة ما اطلقنا رافعاها عليا من 2019، أنا مرتبي كويس والدنيا مستورة بس انا بصرف على أمي وبدفع إيجار وعندي التزامات مادية تانية وهي عايزاني ميبقاش معايا جنية، وجيت المحكمة النهاردة لأنها رفعت عليا زيادة نفقة صغير وانا معيش يكفي لكل ده».
تابع أحدث الأخبار عبر
