كنت فاكره حب ولعب
محكمة الأسرة ورواياتها.. حبيبة: حماتي خربت بيتي وغيرت فكرتي عن الجواز
توجهت حبيبة نحو محكمة الأسرة بخطوات مثقلة طلبًا في الطلاق للفرار من حياتها التي لا تشعر فيها إلا بالسعادة بسبب معاملة حماتها معها التي لا تحمل إلا الإهانة ما جعل المشكلات تتفاقم يوم بعد يوم، قررت أن تنهي كل هذه الخلافات على أعتاب محكمة الأسرة من خلال رفع دعوى طلاق.
قصص محكمة الأسرة
استهلت حبيبة حديثها لـ “الحادثة” قائلة: “كنت فاكرة الجواز نعمة واني هقضيها حب ولعب زي ما بشوف في الأفلام بس الحقيقة عكس كدا خالص لاني من ساعة ما اتجوزت وأنا طالع عيني بسبب أمه اللي افتكرت أنها اشترت خدامه من حقها تهيني وتعمل فيا اللي هي عايزاه”.
تابعت: "لقيت حياة مختلفة خالص عن اللي كنت بحلم بيها، ومكنتش مصدقة إن خلاص دا شكل حياتي اللي هتبقى كلها مشاكل بس، بس كل المشاكل اللي كنت فيها من ساعة ما اتجوزت مع حماتي اللي تعبت منها بجد".
حكايات محكمة الأسرة
بالرغم إن الواقع صدمها إلا أنها كانت تحاول أن تجد حلول حتى تحافظ على حياتها من الخراب ولكن كانت حماتها تخرب عليها كل المحاولات بل وكانت السبب الرئيسي في تفاقم أي مشكلة، تضيف حبيبة لحديثها: "سبت البيت كتير وكل مرة كنت برجع في كلامي واقول خلاص بلاش الشيطان يسيطر علي ارجع واحاول اظبط الدنيا بس امه كانت بتبوظ كل حاجة بجد بسبب تعاملها معايا"، تابعت: "حماتي معتبراني خدامة ومبتتعاملش معايا إلا بالأسلوب دا، وأنا زهقت من الطريقة دي ومن الخناقات اللي برضو مبتعملش أي حاجة بالعكس الدنيا بتتعقد أكتر وأكتر"
قضايا محكمة الأسرة
تكون دعوى الطلاق هي الحل الأخير الذي تقصده الزوجة بعد ما تصل الحياة بينهما لطريق مسدود، هذا ما فعلته حبيبة بعد معاناة عاشتها مع حماتها لم تنتهي منها إلا بدعوى الطلاق التي أقامتها منذ 5 شهور، وأخر ما اختتمت به الزوجة حديثها للقاضي هو "حماتي بوظت حياتي اللي كنت بتمنى إنها تكون سعيدة ومستقرة بس تصرفاتها معايا بوظت كل حاجة وكانت هي السبب الرئيسي في كل المشاكل اللي في البيت".
تابع أحدث الأخبار عبر
