"حماتي مطلعة عيني أنا والعيال".. سمر: مشغلاهم في البيت وبتخليهم يمسحوا السلالم
كان التدخل والتسلط الدائم من قبل أهل الزوج هو المشكلة الأساسية التي نتجت عن كثير من الخلافات أدت لترك الزوجة المنزل عدة مرت على أمل إصلاح الأمور ولكن تعقد كل شيء بعدما تعمدت حماتها إهانة أولادها ومعاملتهم بطرية جعلتها تأخذ قرار الانفصال بسببها.
كل المشاكل بسب حماتي
حاولت التغاضى عن مشكلات كثيرة تفتعلها حماتها ولكن عندما تمادى الوضع وزادت الخلافات بينهم بسبب معاملتها السيئة لأولادها، هنا تفاقمت الأمور، تبدأ سمر في رواية قصتها لـ "الحادثة" قائلة: "أول سنة في الجواز كانت كل حاجة تمام مفيش أي مشاكل، حتى لو فيه كنا بنعدي عادي الدنيا بس من ساعة ما امه بقت تتدخل وهي كل حاجة باظت بسبب إنها عايزة تتدخل في كل حاجة من غير ما حد أقول رأيي"، تابعت: "مبقتش عارفة أعمل أي حاجة وبرقينا نتخانق ليل ونهار بسبب الموضوع دا بس كنت بحاول أعدي الدني ومقفش على كل حاجة عشان مكبرش المواضيع بس المواضيع كبرت من ساعة ما بقت تعامل عيالي بطريقة زبالة مستحملتهاش".
تحملت سمر مشكلات لانهائية بسبب تدخل حماتها حتى لا تتصاعد الأمور ولكنها تصاعدت لكن هذه المرة بسبب معاملة الأولاد بطريقة قاسية جدًا جعلتها تفكر في الانفصال، تستكمل الزوجة باقي رواياته للحادثة وتقول: "لما كانت بتخترع أي حاجة عشان تتخانق معايا كنت بعدي ومبركزش معاها بس لما الموضوع اتعلق بعيالي مقدرتش اعمل نفسي عبيطة، بقت تعاملهم معمل ة غريبة وعلى طول تشتمهم وتهزقهم قدام الناس"،
حماتي مخلية العيال يمسحوا السلالم
تابعت: "اتخانقت معاها كتير بسبب الموضوع دا وقلتلها متتكلمش كدا تاني مع عيال بالأسلوب دا بس برضو مفيش فايدة، كنت بحاول برضو مكبرش الموضوع بس أخر مرة دي مقدرتش استحمل اقعد أنا وعيال في البيت ثانية واحدة"، اختتمت الزوجة قصتها قائلة: "كنت في الشغل رجعت لقيت مشغلة العيال في البي ومخلياهم يمسحوا السلالم، خدت عيالي ومشيت وجوزي حاول يرجعني كتير بس أنا مرضتش عشان خلاص جبت أخري بسبب معاملة أمه ليا أنا والعيال ومش عايزة أنا وعيالي نعيش العيشة دي".
تابع أحدث الأخبار عبر
