أم أمينة للقاضي: بنتي اتحملت بهدلته هو وأهله وأخرتها عايز يتجوز عليها
تواجد اليوم أمام محكمة الأسرة مثل العديد من الأمهات «أم أمينة» التي تواجدت من أجل أن تقدم الدعم لإبنتها التي كانت في هذا المكان من أجل أن تطالب بحقوقها من زوجها الذي لم ترى منه سوى القسوة والقهر.
بعد زواج «أمينة» تفاجئت بطباع زوجها الصعبة الذي كان لا يقدرها ولا يحترمها ويهينها ويضربها، وتحملت «أمينة» من أجل أن تحافظ على بيتها وعلى أسرتها ولم تشتكي لوالدتها، لكن عندما زاد طبع زوجها الصعب واكتشفت والدتها ما يفعله زوجها معها وما شهدته أبنتها في حياتها الزوجية من زوجها وأهله جعلتها تترك زوجها وتتوجه لمحكمة الأسرة حتى تحصل على حقوقها منه.
اقرأ أيضا
بنتي ملهاش غيري
قالت أم أمينة: «بنتي جوزتها من 2020 أبوها متوفي وملهاش حد غيري يقف معاها، جوزتها وسلمتها لعريسها وافتكرته هيحافظ عليها ويحميها لكن للأسف كنت غلطانة، بنتي أعدت مع جوزها من سنة وكام شهر بس وخلفت منه ولد»
جوز بنتي مبهدلها
تابعت أم أمينة: «من ساعة ما اتجوزت وهو بيضربها ويبهدلها ومبيصرفش عليها ومش عايزها تشتغل، مكنتش أعرف أنه بيعمل معاها كدة كانت بتخبي عليا ومش بتقولي عشان متعملش مشكلة»
أهل جوزها مش بيقفوا معاها
أضافت الأم :«أنا مكنتش بتدخل في مشاكلهم سوا لكن أهله كانوا بيتدخلوا في كل حاجة، ودايما واقفين مع ابنهم يبقى ضارب بنتي ومبهدلها وفي الأخر يطلعوها هي اللي غلطانة، وكل ده بنتي ساكته عشان خاطر ابنها ميتبهدلش»
بنتي صعب عليا حالها
أكملت أم أمينة: «لحد ما في الأخر بنتي سمعت اهله كانوا عايزينه يتجوز عليها، جت وحكتلي كل حاجة حصلت معاها صعبت عليا قلتلها تسيبه وتطلق منه لما عرفت اللي بيعملوا فيها هو وأهله في السنة اللي عاشتها معاه»
دعوى نفقة
أنهت أم أمينة حديثها: «لما بنتي طلبت منه الطلاق قالها مش هتطلق إلا لما تتنازل عن حاجتها ومفيش واحدة ترضى تتنازل عن حاجتها وترميها، من ساعة ما مشيت وسابت البيت وقعدت عندي مسألش فيها ولا في بنتها ولا بيصرف عليهم جنية وجت ترفع عليه قضية نفقة، وأهله بدل ما يصلحوا بينهم راحوا خطبوا ليه واحدة تانية»
تابع أحدث الأخبار عبر
