«اكفي القدرة على فمها».. أب للقاضي: بعاني من سرطان وبناتي زي أمهم عايزين فلوسي
في واحدة من القضايا التي يندر تواجدها في محكمة الأسرة كان من رفع القضية بنات على أبيهم المريض الذي لم يريد من الدنيا سوى أن يكون بناته بجانبه عندما يحتاجهم.
أب للقاضي: بعاني من سرطان وبناتي زي أمهم عايزين فلوسي
القضية التي تم تواجدها في محكمة الأسرة اليوم كانت زيادة نفقة وحبس من بنتين ضد أبيهم، الذي تطلقت منه أمهم عن طريق محكمة الأسرة أيضا بدعوى طلاق للضرر وبلاغ كيدي، ومنذ انفصال الأب والأم من 6 سنوات انقطعت العلاقة بين البنات وابيهم بالرغم من محولاته لإعطائهم ما يتمنوه، ولكن ما وجده منهن عند مرضه قسوة عندما رفعوا عليه قضايا وفي النهاية يريدون أن يدخلوه السجن وهو مريض ويريدهم بجانبه.
البنات رافعين قضية على أبوهم
قالت المحامية التي تولت الدفاع عن الأب: البنتين اللي رافعين الدعوة على والدهم تعدوا السن القانوني أكتر من 21 سنة ورافعين على أبوهم قضايا نفقة وبعد كدة رفعوا زيادة النفقة رفعوا دعوة حبس لتأخره في دفع النفقة بسبب أنه حاليًا مريض وبيتعالج.
واخدين صف أمهم
تابعت المحامية: أبوهم وأمهم منفصلين بقالهم 6 سنين وهما واخدين جانب أمهم من ساعة الانفصال، مسألوش عليه ومنقطعين عنه بقالهم 6 سنين، امهم اتطلقت من والدهم لما رفعت طلاق ضرر واتحكملها بيه وكانت وقتها عاملة محضر كيدي واتطلقت بيه وخدت نفقة المتعة والعدة خدت زيادة عن العدة بتاعتها 15 ألف جنيه.
رافعين قضية على أبوهم العيان
أضافت المحامية: الأب بيصرف من ساعة الإنفصال بيبعت لهم النفقة على المحكمة عشان ميكونوش محتاجين حاجة، من قريب رفعوا زيادة واتحكملهم بالزيادة، بس المشكلة إن الأب دلوقتي عيان ومش قادر يدفع زيادة النفقة ويصرف على علاجه، كان عنده سرطان في المثانة ودلوقتي بياخد كيماوي.
الأب محتاج بناته جنبه
أنهت المحامية كلامها: البنات عارفين إنه عيان وعنده ورم وعمل عملية ومسألوش عليه حتى ولا راحو يزوروه، هو حالته المادية كويسة ومكنش مخليهم محتاجين أي حاجة لكنه كان دلوقتي حتاج بناته يقفوا معاه وهو تعبان وبكونوا جنبه.
مازالت القضية لم يحكم فيها بعد ومازال الأب مريض وما يحتاجه في حياته هو أن يرى بناته بجانبه، ومازال هم بناته فقط هو الحصول على أموال زيادة من أبيهم.
تابع أحدث الأخبار عبر
