ندى في دعوى نفقة: "لو جاب حاجة لابنه بياخد حقها مني"
لم تجد "ندى" إلا البخل في عش الزوجية الذي كان السبب في إنهاء حياتها الزوجية بعد محاولات كثيرة كان الزوج هو السبب في إبطالها، قررت الزوجة قصد باب محكمة الأسرة من أجل رفع قضية نفقة ضد زوجها لعل قلبه يرق على ابنهما الوحيد.
بطلع منه الجنيه بطلوع الروح
"من أول الجواز وأنا اللي بصرف على البيت، وجيت على نفسي كتير عشان خاطر ابني بس هو برضو مبيفرقش معاه حاجة" بهذه الكلمات بدأت ندى حديثها لقاضي المحكمة مؤكدة على معاناتها مع زوجها البخيل الذي لا يريد الإنفاق عليها هي وابنها، تابعت الزوجة: "بطلع منه الجنيه بطلوع الروح من ساعة ما اتجوزته، وكنت بصبر وأقول يمكن يتغير بس لسه زي ما هو مش عايز يصرف أي حاجة على ابنه".
عندما وجدت أنه لا جدوى في زوجها الذي لا يريد إنفاق حتى مليمًا عليها قررت الانفصال بعد 9 سنوات تعاني بسبب بخل زوجها مؤكدة على أننها كانت تساعده من خلال عملها على أمل الإنفاق عليها ولكن لا جدوى لكل محاولاتها، تستكمل قصتها قائلة: "لما لقيته كدا اتكلمت معاه مرة واتنين وتلاتة عشان يرضى يصرف عليا بالذات لما خلفت، كنت فاكراه هيتغير بس مفيشأي حاجة اتغيرت وكل حاجة ثابتة على حالها، ولما لقيته مش عايز يصرف حتى علىابنه نولت اشتغل عشان أعرف اجيب مصاريف لابني".
لو جاب حاجة لابنه بياخد حقها مني
بعد محاولات كثيرة فاشلة من قبل الزوجة، كان الحل الذي توصلت له في النهاية هو قضية نفقة لكي تحصل على مصروفات لابنها، أضافت الزوجة: "فضلنا على الحال دا سنة اتنين وهو برضو على حاله متغيرش خالص وتعبت معاه من كتر الكلام، وكل ما أجي افكر إني اتطلق كان بيصعب عليا ابني، بس لما لقيت مفيش فايدة فيه خالص ومش عايز يصرف جنيه على ابنه"، تستكمل الزوجة رواياتها: "دا لو جاب حاجة بالغلط لابنه بياخد حقها مني، مقدرتش استحمل أعيش مع بخله اكتر من كدا، ولما عرفت إن خلاص مفيش فايدة رفعت عليه قضية نفقة، يمكن يخلي عنده دم ويبعت مصاريف لابنه، مستنية اكسب قضية النفقة عشان ارفع عليه قضية طلاق".
تابع أحدث الأخبار عبر
