«البخل ماشي في دمه» عبير بدعوى طلاق : خلاني اشحت عشان أعرف أصرف على العيال
رسمت "عبير" حياة مليئة بالسعادة في خيالها عن الحياة الزوجية التي تريد أن تعيشها مع الرجل الذي رأت فيه مواصفات أحلامها، لتكتشف المفاجأة بعد دخولها لقفص الزوجية، فكل ما وجدته عكس الذي رسمته في خيالها، وانتهت قصة زواجها على أعتاب محكمة الأسرة وهتتقيم قضية طلاق ضده.
"عايشة في مرار وعذاب من ساعة ما اتجوزت بسبب بخله وإنه مش عايز يصرف جنيه واحد عليا" "هكذا بدأت عبير حديثها مضيفة أنها رأت فيه كل مواصفات احلامها جعلها تتأكد من اختيارها الصحيح ، وانه سيكون العوض لها، ولكن كل هذا تحول في الشهور الأولى من الزواج بعدما اكتشفت شخصيته الحقيقة التي لم تعرفها ، ومن هنا بدأت المشكلات التي لا حصر لها، وتابعت حديثها قائلة: "اللي نعرفه عن عيلته كل الخير وسمعتهم الطيبة دايما سابقاهم، عشان كدا لم جه أتقدملى وافقوا عليه على طول واتخطبنا وطول فترة الخطوبة مشوفتش منه أي حاجة وحشة خالص".
أخدت صدمة كبيرة بعد الجواز
"وجدت شخص أخر يختلف تمامًا عن الصورة الذي عرفته به في بداية تعارفهما، وبدلا من أن حياتهما الزوجية تصبح أفضل من فترة الخطوبة، حدث العكس بالظبط وبدأت حياتهما في الانهيار من قبل حتى أن تبدأ، إهانة وذل تعاني منهم بسبب الزوج الذي يعتمدهم في معاملته لها علاوة على بخله ورفضه للإنفاق عليها، تستكمل عبير القصة وتقول: "كنت فاكرة حياتنا بعد الجواز هتبقى أحلى بكتير من فترة الخطوبة، بس الحقيقة إن حياتنا باظت من ساعة ما اتجوزنا بسبب معاملته اللي اكتشفتها، على طول زعيق وضرب على أي حاجة بسكنت وبعدي عشان امشي الدنيا وكنت فاكره إنه هيقدر دا بس مقدرش حاجة".
بشحت أكل للعيال
تابعت: "دا فوق معاملته اللي زي القرف دي مش راضي يصرف عليا خالص حتى بعد ما خلفت العيل الأول والتاني، وهو برضوا مش راضي يصرف علينا مع إنه بيشتغل عادي وبيقبض زي بقية الناس"، مازالت تكمل قصتها قائلة: "في الأول كنت بروح عند أهلي أجيب منهم كيس رز على شوية زيت عشان أعمل أي أكل للعيال، ودلوقتي بقيت اشحت من الجيران أي حاجة للعيال يأكلوها أو أي فلوس تساعدني، وهو ولا همه أصلا العيال كلوا ولا لا، مش هامه أصلا يموتوا من الجوع".
تنهى القصة بكلماتها: "لو انا استحملت بخله العيال مش هيستحملوا، مقدرتش اشوفهم جعانين واقعد ساكتة كدا، عشان كدا رفعت عليه قضية طلاق، ومستنية اكسبها عشان ارفع عليه قضية نفقة للعيال".
تابع أحدث الأخبار عبر
