متجوز بقاله سنتين وأنا معرفش".. نادية: مفهمني إنه ملاك وطلع بيستغفلني
16 عامًا لم تشهد فيهم الزوجة إلا كل الحب والسعادة من زوجها الذي كان يبذل اقصى جهده من أجل إسعادها هي والأولاد، بعد كل هذه السنوات من الحب الكبير لم يتخل أي شخص أن قصتهم تنتهي برفع دعوى خلع في محكمة الأسرة بعد ما اكتشفت السر الذي أخفاه عنها منذ سنتان.
"معيشني أحلى عيشة من ساعة ما اتجوزنا، ومشفتش منه أي حاجة وحشة أبدًا، حتى الناس كانت بتحسدنا من كتر ما كانت الدنيا بين كويسة ومبسوطين ومفيش أي مشاكل خالص" هكذا بدأت نادية حديثها مؤكدة على مدى السعادة التي تعيش فيه من بداية الزواج مع زوج يرعى الله فيه هي وأولادها لا يفعل لها إلا كل الخير، تابعت: "بقالنا 16 سنة عايشين مبسوطين ومفيش أي مشاكل خالص، وهو بصراحة كان ونعم الزوج والأب للعيال، مكنش مجرد أبوهم كان بيعاملهم كأنهم صحابه".
بقالي 16 سنة حياتي زي الفل
استمرت حياتها على هذا الحال لأكثر من 16 عام تنعم فيه الزوجة بكل الاستقرار والسعادة في عش زوجية سعيد، تغير كل شيء في غمضة عين، وبدأت تلاحظ بوجود تصرفات من الزوج على غير المعتادـ أضافت: "بعد كل السنين دي بدأت الاحظ تصرفات غريبة من جوزي على عادته، بقا يمسك الموبايل كتير وبيتكلم كتير بعد ما كان ميحبش الكلام في التليفون"، تابعت نادية: "في الأول كنت بقول عادي أكيد مكالمات في الشغل بس لما المكالمات كترت إتاكدت إنها مش مكالمات شغل خالص، قلت اراقبه كدا اشوف مين اللي بيكلمه دا، وأول لما الموبايل رن وخده ودخل الأوضة قمت وراه، وسمعته بيكلم واحدة ست".
مستغفلني بقاله سنتين
تريست الزوجة وأرادت أن تتأكد من مدى العلاقة بينهما حتى لا تظلمه، استكملت الزوجة: "حسيت إن الموضوع في حاجة غريبة بس قلت اتاكد الاول قبل ما أعمل أي حاجة، وخدت الموبايل منه وهو نايم ولقيت المكالمات كلها من رقمها، دخلت على الواتساب عشان أشوف الشاتات اللي بينهم وياريتني ما دخلت"، تختتم الحديث قائلة: "عرفت من كلامهم إنهم متجوزين بقالهم سنتين وأنا معرفش ولا ةكان باين عليه أصلا إنه بيخوني خالص بسبب معاملته معايا اللي محستش بأي تغير فيها، عملنا خناقة كبيرة وكان عايز يقنعني إنهم مش متجوزين بس خلاص كشفت كل حاجة"، أسرعت على التوجه لمحكمة الأسرة في أسرع وقت لرفع دعوى خلع ضده.
تابع أحدث الأخبار عبر
