أسماء في دعوى خلع: صاحبتي خربت بيتي وخطفت جوزي
سنوات من الاستقرار عاشتها "أسماء" افي عش الزوجية مع زوج يرعى الله فيها ولكن كل شيء انقلب رأسًا على عقب منذ دخول صديقتها لحياتها وتدخلها في أمورهما الخاصة، أعطته الثقة والأمانة تحكي لها كل أسرارها ولكن للأسف لم تكن الثقة في محلها أبدًا، وكانت النتيجة غير متوقعة بالمرة ما جعلها تتوجه لـ محكمة الأسرة لتنقذ نفسها من صديقتها وزوجها.
حياتي باظت من ساعة ما صاحبتي دخلتها
"صاحبتي بوظت حياتي من ساعة ما دخلتها" "بهذه الكلمات بدأت الزوجة الحديث لقاضي المحكمة لعله يكون السبب ف إنقاذها، وتابعت قائلة: "من ساعة ما اتجوزنا وحياتنا ماشية تمام ومفيش أي مشاكل بينا خالص وحتى لو فيه كانت الأمور بتتحل على طول وهو كان بيعرف يمشي الدنيا وبيعدي كتير"، أضافت: "بدأت الاحظ إنه متغير بس أنا مكنتش أعرف إيه السبب كنت بقول عادي أكيد مشاكل او أي حاجة بس طريقته بقت غريبة معايا أنا والعيال أوي"
"أكدت الزوجة على أن الفترة التي لاحظت فيها تغير الزوج هي الفترة ذاتها التي بدأت صديقتها تتدخل في حياتهما بشكل ملحوظ ، ولكنها كانت تعتبرها مثل شقيقتها التي تأتمنها على أسرارها ، وظنت انها تحافظ على أسرارها ولكن للأسف غدرت بها ، وخطفت منها زوجها، تستكمل الزوجة: "نفس الفترة اللي هو اتغير فيها دي هي هي الفترة اللي كانت صاحبتي بدأت تتدخل في كل حاجة بينا، وأنا كنت بحكيلها كل حاجة عادي وعمري ما خونتها ابدًا، دا هي اللي كانت بتقول لي أعمل إيه مع جوزي واحنا متخانقين".
خطفت جوزي وبتكلمني يتغيظني
"بدأ يتغيب الزوج عن المنزل مرات كثيرة على غير عادته ما جعلها تشك في أمره ما جعلها تبحث وراءه وأضافت أسماء: "بعدين بقا يقعد كتير برا البيت على غير عادته خالص، كنت بقول اسيبه براحته عادي عشان مخنقهوش بس الموضوع زاد عن حده وبقا على طول عايز يبقى برا البيت ومش عايز يقعد معايا ولا مع العيال"، تكمل رواياتها: "بدأت اشك إن أكيد في حاجة ولما دورت وراه عرفت إنه بيكلم صاحبتي دي قلت عادي أكيد كلام عادي يعني بس اللي شوفته مكنش عادي خالص، العلاقة بينهم واصلة لمرحلة مكنتش اتخيلها، لما واجهته من بجاحته قال لي هطلقك واتجوزها"
تنهي حديثها قائلة: "لما هي عرفت إني عرفت كل حاجة خلاص بقت تكلمني تغيظني وتقول لي أنا خطفته منه، مكنتش مصدقة اللي أنا فيه، وبقت لازم تكلمني كل يوم عشان تحرق دمي"، لم تتحمل هذا الوضع يوم واحد وذهبت لمحكمة الأسرة على الفور ورفع دعوى خلع ضده لا تريد أي شيء منه.
تابع أحدث الأخبار عبر
