هبة في دعوى نفقة: معاه فلوس يعيشنا أحلى عيشة وبيستخسر فينا الجنيه
رجل صالح وقعت في حبه "هبه" وتأكدت من أن اختيارها الصائب عندما وجدت منه كل الدلائل طوال فترة الخطوبة تؤكد أنا ستعيش أحلى حياة معه، وهذا الذي جعلها تكون واثقة من اختيارها أكثر وأكثر، لكن في الحقيقة الذي اكتشفته بعد الزواج أكد لها مدى حجم الخطأ الذي ارتكبته في حق نفسها وحق أولادها، لتجد رجل يرفض الإنفاق عليهم على الرغم من أنه ميسور الحال ويعمل في شركة كبيرة تجلب له قدر ممتاز من الأموال التي تساعده على العيش في مستوى مرفه.
كانت إيده فرطة في الخطوبة
استهلت الزوجة الحديث لقاضي محكمة الأسرة قائلة: "بطلع منه الجنيه بالعافية، من أول الجواز واحنا كل مشاكلنا بسبب المصاريف وإنه مش بيرضي يسيب لي مصروف ليا وللعيال، في الأول كنت بقول معلش أكيد عنده ظروف بس لما لقيته على طول مش عايز يسيب فلوس قصد بقينا على طول نتخانق".
استرجعت هبه حياتها معه قبل الزواج وأكدت على أنه كان كريم يجلب لها الهدايا دائمًا ولكن بمجرد ما تم الزواج بينهما وجدت عكس تصرفاته التي شهدتها من طوال فترة الخطوبة وأكدت على ذلك بقولها: "طول فترة الخطوبة كان مغرقني هدايا وكل اللي أنا عايزاه بيجيب ليا على طول والمعروف عنه إن إيده فرطة وكريم، بس معرفش إيه اللي حصل بعد الجواز".
مستسخر يصرف فلوسه على العيال
تفاجئت الزوجة بشخصية جديدة غير الذي وجدتها في فترة الخطوبة ولكنها كانت تحاول التأقلم معه، وتتابع الزوجة: "بينزل الشغل من غير ما يسيب لي مصروف ولما بيسيب بيسيب على القد، والفلوس اللي بيسيبها مبعرفش أعمل بيها أي حاجة على الرغم من إن شغلته بيقبض منها مرتب كويس جدًا يقدر يعيشني أنا والعيال في مستوى كويس بس هو اللي مش عايز يصرف علينا زي بقية الناس"، أضافت هبه: "اتخانقنا كتير بسبب موضوع المصاريف دا بس هو ولا هنا مش عايز يفك لإيد عليا أنا والعيال، وأنا زهقت جدًا من العيشة اللي أنا عايشها دي"
بعد تفكير ومحاولات كثيرة معه توصلت الزوجة للحل ألا وهو قضية النفقة فكانت هذه الفكرة يعارض عليها الكثيرون ولكنها أصرت بعدما وجدت أنه لا فائدة من محاولاتها معه.
تابع أحدث الأخبار عبر
