«رد سجون».. أسماء في دعوى خلع: بيقعد في السجن أكتر من ما بيقعد في البيت
استقرار حاوط عش الزوجية لمدة سنتان مع زوج يرعاها، ولكن تبدل الحال وأًصبح الزوج رد سجون لا يعرف إلا طريق السجن بسبب أفعاله، تغاضت مرة واثنين عنه وكانت هي أول من يقف بجانبه ويسانده في محنته ولكن ازاداد الوضع عن حده وأصبحت الزوجة لا تتحمل العيش بهذه الطريقة ما جعلها تعرف طريق المحكمة لـ رفع دعوى خلع.
تبدأ أسماء حديثها للحادثة وتقول: "مقعدتش معاه غير سنتين بس وبعدها المشاكل بدأت وحياتنا اتشقلبت ومبقتش عارفة اعيش معاه من كتر المشاكل"، لتتابع باقي قصتها: "أول ما اتجوزنا وحياتنا كانت ماشية كزويس جدًا بس معرفش إيه اللي حصل وكل شوية بقا يتحبس مرة بسبب مخدرات، ومرة بسبب إنه واخد فلوس من ناس ومرجعهاش".
متجوزة رد سجون
لفجأة وبدون مبرر وجدت أسماء نفسها في حياة بعيد عن حياتها المستقرة التي عاشتها في بداية الزواج، وأصبحت حياتهما ما بين سجن هنا وسجن هناك بسبب أفعال الزوجية الغير أخلاقية.
تابعت أسماء: "معرفش إيه اللي حصل وليه بقا كدا كان كويس ومحترم والعيبة مبتخرجش منه بس فجأة معرفش مين اللي لعب في دماغه وبقا كل شوية يتحبس بسبب عمايله السودة"، مضيفة: "مشوفتهوش غير أول سنتين بس في الجواز، من سةاعتها وهو على طول في السجن مرة سنتين ومرة تلات سنين، وعمري ضاع معاه وهو مقضيها في السجوزن كدا".
إقامة دعوى خلع
قرر أهل أسماء اللجوء لمحكمة الأسرة لإقامة دعوى خلع على زوجها بسب أفعاله، في البداية رفضت على أمل تغير حاله للأفضل ولكنها عند ما أدركت أن لا يجد اي جديد في حياتها معه أسرعت للمحكمة لرفع دعوى خلع حتى تنقذ نفسها هي وأولادها من زوجها “رد السجون”.
تستكمل قصتها قائلة: "ماما وبابا لما لقوه كل شوية يتحبس في قضية شكل والمشاكل عمالة تزيد وهومبيتعدلش قالوا لي لازم ترفعي عليه قضية خلع عشان تخلصي منه، صعب عليا في الاول بس لما لقيت مفيش فايدة فيه خالص قلت مبدهاش بقا ورفعت القضية، كدا احسن ليا أنا والعيال عشان اخلص منه"، ولا تزال القضية منظورة.
تابع أحدث الأخبار عبر
