«عندليب الجامعة العربية».. كريمة: خلص على ستات مصر ودخل على الخليج
خيانات بالكوم من بداية الزواج تغاضت الزوجة عنها في كل مرة على أمل أن يتراجع الزوج عن خياناته التي لا تعد ولا تحصى ويلتفت في يوم من الأيام لبيته، ولكن لا توجد جدوى لمحاولاتها معه، بل بالعكس كان الزوج يتمادى في خياناته حتى أصبح له في كل بلد نزوة، لم تتحمل يوم زيادة معه وقررت التخلص من حياتها المليئة بالخيانات بعد 20 عامًا ولجأت لـ إقامة دعوى خلع.
من أول الجواز وهو بيخوني
تسترجع كريمة حياتها من بداية الزواج مؤكدة على حياتها التي يملأها المشكلات والخلافات بسبب الزوج الخائن الذي لا يلتفت لأولاده ولا زوجته فلا يهتم إلا بخياناته فقط، تبدأ الزوجة تروي قصتها قائلة: "من أول الجواز وأنا مستحملة خياناته وكنت بعدي وبصبر عشان خاطر العيال والبيت بس هو مبيتعدلش برضو كل شوية اقفشه مع واحدة، واسيب البيت وامشي وهو يقول لي خلاص أخر مرة وبرضو يرجع زي الأول مفيش فايدة".
تابعت كريمة: "مش مركز مع البيت والعيال خالص كل اللي همه واللي بيفكر فيه هو نزواته اللي مبتخلصش، غير كدا ميعرفش أي حاجة عن البيت والعيال وكل ما أجي أكلمه واقوله ركز مع عيالك يتخانق معايا خناقة لرب السما".
خلص ستات مصر ودخل على الدول العربية
يتمادى الزوج في خياناته اللانهائية يوم بعد يوم، في البداية كانت الخيانات لا تتعدى حدود مصر أما الآن فكل خياناته مع سيدات من بلاد عربية مختلفة.
تستكمل الزوجة: "في الأول كانت بيخوني مع واحد زميلته يا إما يتكلم مع جارتنا مثلًا، أما دلوقتي بقا كل الستات اللي بيكلمهم يا إما من لبنان أو سوريا، مرة مع واحدة من الكويت، خلاص خلص على كل ستات مصر وداخل على الدول العربية التانية".
ما زالت تروي قصتها وتقول: "خلاص اتأكدت إن مفيش فيه فايدة وهيفضل كدا طول عمره خاين، جبت أخري معاه بعد 20 سنة ومبقتش قادرة استحمل أكمل حياتي مع واحد خاين، طلبت منه الطلاق بالزوق بس هو رفض".
كانت محكمة الأسرة هي الملجأ الوحيد لها لتتخلص من حياتها الزوجية بعد ما رفض الزوج الطلاق بطريقة ودية، رفعت دعوى خلع بعد ما فاض بها الكيل ولم تعد تتحمل أي خيانات مرة أخرى.
تابع أحدث الأخبار عبر
