منى: عايزني أمشي حال البيت بالخمسين جنيه اللي بيسيبهالي كل أسبوع
زوج عديم المسئولية لا يريد الإنفاق على زوجته وأولاده، حاولت معه الزوجة بكل الطرق لإقناعه بأنه يجب عليه الإنفاق عليها هي والأولاد، ولكن فشلت كل محاولات الزوجة ما جعلها تسلك طريق محكمة الأسرة لعلها تكون طريقة ناجحة لكي ينفق على بيته ويتحمل المسئولية.
"كل المشاكل اللي بينا على مصروف البيت"، كانت هذه العبارة الأولى في رواياتها للقاضي، مؤكدة على أنه كان ينفق على المنزل في بداية الزواج، ولكن فجأة كل هذا تغير بدون أسباب واضحة، تابعت منى: "في الخطوبة كان بيصرف عادي مكنش بيبخل عليا بأي حاجة وكل اللي انا عايزاه بيجيبهولي حتى لو إيه، وفي اول الجواز برضو كان بيصرف ويجيب كل حاجة من غير ما أقوله كمان بس معرفش إيه اللي حصل بعد كدا ومبقاش يسيب فلوس ولو ساب بيبقى على القد أوي".
بيسيب لي خمسين جنية كل أسبوع
مشادات مستمرة كان السبب فيها هو الزوج الذي لا يريد الإنفاق على زوجته وأولاده، حاولت الزوجة التحدث معه أكثر من مرة ولكن في كل مرة كانت الأمور تتصاعد بسبب إصراره على عدم الإنفاق، تابعت الزوجة: "من تاني سنة جواز وهو مش راضي يصرف مش فاهمة ليه وبقا ينزل من غير ما يسيب فلوس واليوم اللي يسيب لي فيه خمسين جنية يقعد عليها أسبوع ميسيبليش أي مصاريف تانية وأما سألته مش راضي تصرف ليه قال لي أنا حر وأصرف بمزاجي"، تستكمل حديثها: "مشاكل كتير حصلت بسبب إصراره الغريب إنه ميصرفش والأهل اتدخلت كتير عشان تقنعه إنه لازم يصرف بس هو ولا هنا وبرضو بيصرف بمزاجه ومصاريف العيال كتير وكل شوية أروح اخد من ماما أو بابا أي مصاريف عشان الملاليم اللي بيسيبها دي مبتعملش أي حاجة".
دعوى نفقة في محكمة الأسرة
سئمت الزوجة من إصراره على عدم الإنفاق وعندما وجدت أن كل الطرق والوسائل فشلت اختارت محكمة الأسرة لعلها تكون وسيلة للضغط عليه حتى ينفق على زوجته وأولاده، ورفعت دعوى نفقة منذ 5 شهور ولا تزال إجراءات الدعوى مستمرة في المحكمة.
تابع أحدث الأخبار عبر
