سهام: من ساعة ما رفعت قضية تمكين وأمه بتعمل لي ألف حساب
دعوى تمكين كانت هى السبب في حل المشكلات التي افتعلتها حماة "سهام" من بداية الزواج دون سبب، فحاولت الزوجة معها بكل الطرق أن تحل هذا النزاع ولكن الحماة كانت مصرة على معاملتها بطريقة متعجرفة، عزمت على رفع دعوى تمكين بعدما شعرت بقلق منها بسبب تهديدها بأنها ستطردها هي وأبناءها، وكانت نتائج القضية التي رفعتها الزوجة مبهرة بسبب ما لقته من معاملة حسنة من قبل حماتها بعدما كانت تتعامل معها بأسلوب متعجرف غير مرضي لها.
"من أول الجواز وأمه مش طيقاني وبتعاملني معاملة زي الزفت"، استهلت سهام قصتها للقاضي بهذه العبارة مضيفة أن حماتها لم تتقبل لها كلمة واحدة من بداية الزواج ما جعلها تفكر بكل الطرق في إرضاءها ولكن كانت تفشل في كل مرة، تابعت: "أنا جوزي من ساعة ما اتجوزنا واحنا تمام أوي ومفيش أي مشاكل بينا وبيحبني وبيتمنى لي الرضا أرضى، بس أمه هي سبب المشاكل اللي بينا كلها من أول الجواز".
من أول الجواز وأمه مش طيقاني
معاملة من قبل والدة الزوج التي لم تجد الزوجة لها أي مبرر لتعاملها بهذه الطريقة، نتجت عنها مشكلات لا حصر لها ورغم ذلك كانت تتحمل من أجل حب زوجها لها وأولادها، تستكمل سهام: "كل شوية مشاكل بسبب أمه وأنا بقول معلش بس المشاكل زادت وأنا وزهقت وكل ما أكلم جوزي يقول لي معلش استحمليها عشان خاطري، استحملت وعديت عشان خاطر جوزي اللي مشوفتش منه أي حاجة وحشة خالص من أول الجواز"، تضيف لحديثها: "عديت كتير بس توصل لإنها تهددني وتقول لي هرميكي انتي وعيالك في الشارع، مقدرتش اعديها، خفت إنها ممكن تعمل فيا كدا أنا والعيال ونزلت في يوم وجوزي في الشغل رفعت قضية تمكين عشان خفت تعمل كدا بجد.
القضية خليتها متتكلمش معايا تاني
تتابع: "جوزي لما جه من الشغل وعرف إني رفعت القضية زعق لي وقال لي ليه عملتي كدا وكان عايزني اتنازل عن القضية بس أنا مرضتش وفضلت مكملة في إجراءات القضية"، تحولت معاملة حماتها معها بعد ما علمت بقضية التمكين التي رفعتها الزوجة، أضافت سهام: "فضلت مكملة في القضية ولما حماتي عرفت بالقضية لقيت معاملتها اتغيرت معايا خالص وبقت بتعاملني أحسن معاملة ومبتفكرش تكلمني بطريقة مش كويسة أو تعمل أي حاجة تضايقني، حمدت ربنا إن القضية جابت نتيجة وخليتها تحل عني".
تابع أحدث الأخبار عبر
