سها في دعوى تمكين: طردني أنا والعيال من الشقة عشان يحب براحته
دعوى تمكين لجأت إليها “سها”، حيث جلست على أعتاب محكمة الأسرة بالجيزة ووجهها يمتلئ بالحسرة على حظها العاثر، تنتظر الحاجب لينادي عليها كي تروي قصتها للقاضي ويأخذ حقها من زوجها، والذي يريد طردها من عش الزوجية هي وأولادها بعد أن اكتشفت علاقته مع زميلته في العمل.
سها في دعوى تمكين: طردني أنا والعيال من الشقة عشان يحب براحته
"عايز يطردني من الشقة أنا والعيال" بدأت “سها” بهذه العبارة تروي قصتها، مؤكدة على تغير معاملته منذ أن تعرف بزميلته في العمل، فانقلبت حياتهم رأسًا على عقب، قائلًة: "كان كويس معايا في أول الجواز وحياتنا كانت تمام طول 6 سنين بس معاملته اتغيرت معايا ومكنتش فاهمة السبب وإيه سبب تغيره معايا".
تابعت: "اكتشفت إنه بيكلم زميلته في الشغل في الأول، كنت بقول عادي دول أكيد زملا بس مفيش حاجة تانية بس بدأت أشك فيه لما لقيته بيكلمها كتير وحسيت إن في حاجة مش طبيعية".
بيروح الشغل عشان يحب مش عشان يشتغل
زادت شكوك الزوجة حول زوجها بسبب معاملته التي تغيرت فجأة، وبدأت الشكوك تصبح حقيقة بعد ما اكتشفت علاقته مع زميلته في العمل، أضافت: "مكنتش بشك فيه خالص حتى زمايله اللي بيكلمهم في الشغل كنت بقول عادي بس في واحدة مبيكلمش غيرها وبيتكلموا كتير كمان، بدأت اشك إن في حاجة بينهم وقولتله في إيه بينك قالي مفيش حاجة".
أضافت في دعوى تمكين لمسكن الزوجية: "مصدقتهوش عشان معاملته اتغيرت معايا ومع العيال من ساعة ما بدأ يكلمها عشان كدا كان لازم أتأكد وخدت الموبايل ولقيت العلاقة بينهم مش علاقة زملا، سبت له البيت بس قالي مفيش حاجة وأهلي رجعوني وقالولي متخربيش بيتك".
حاولت الزوجة إقناع نفسها بأنه لا يوجد شيء لكن كل تصرفات الزوج كانت تدل أن يوجد علاقة بينهم، أضافت: "رجعت للبيت والعيال وقولت مش مهم بس ولا بقى عايز يقعد معايا ولا مع العيال ومش عايز يصرف وبقى يسيبني من غير مصاريف وكل لما أقوله سيب مصاريف يقولي هو دا اللي معايا".
اختتمت حديثها عن دعوى تمكين تنظرها محكمة الأسرة: "دا غير إنه ضربني في الشارع وفتحلي وداني والجيران لحقتني بالعافية من تحت إيده، وطردني أنا والعيال وقالي متجيش البيت سبت له البيت ومشيت وخوفت ميدخلناش أنا وعيالي الشقة تاني عشان كدا رفعت دعوى تمكين عشان عيالي ميتبهدلوش"، ولا تزال القضية منظورة حتى الآن.
تابع أحدث الأخبار عبر
