"مستحلي القعدة".. مروة بدعوى نفقة: مبلط في البيت وأخته اللي بتصرف علينا
بخل غير عادي تعاني منه "مروة" من بداية الزواج فكان يتحجج الزوج دائمًا بظروفه الصعبة في العمل، لي فاجأها بعد سنة بنصف بتكاسله عن العمل، ظنت أنها فترة مؤقته ولكن تمادى الزوج في تكاسله وأصبحت شقيقة الزوج هي المسئولة عنهم وعن مصروفاتهم، لم تتحمل هذا بالوضع وقررت ترك المنزل ورفع دعوى نفقة.
"مش عارفة أعيش معاه من ساعة ما اتجوزنا بس بقول معلش يمكن ظروف يمكن يتغير بس مفيش أي حاجة بتتغير" بهذه الكلمات بدأت الزوجة حديثها للقاضي وهي مؤكدة معلى معاناتها التي تعيش معها ولكنها حاولت معه كل المحاولات حتى لا تخرب بيتها.
تابعت: "متجوزين بقالنا 8 سنين وطول السنين دي وهو مبيصرفش علينا خالص وكل ما أطلب منه أي فلوس لازم تحصل خناقة كتير، في الأول كنت بقول معلش يمكن ظروف عنده في الشغل، بس شوية ولقيته قعد من الشغل أصلا".
بعد سنة ونص قعد من الشغل
اعتقدت الزوجة أن تكاسله عن العمل يكون فترة مؤقتة فقط ولكن في الحقيقة الموضوع يتمادى والزوج يتمادى في تبلده الذي اتخذ تكاسله عن العمل عادة حتى تنفق عليه شقيقته.
تستكمل مروة: "بعد سنة ونص بالضبط من الجواز قال لي هيقعد من الشغل ومكنتش فاهمة هو ليه يقعد أصلا من الشغل، كنت أنا لسه مخلفة ابني الأول وكنا محتاجين فلوس كتير بس هو كان عامل نفسه عبيط ومش عايز يصرف".
أخته اللي بتصرف علينا
تابعت: "أمي في أول فترة لما خلفت كانت هي اللي بتجبلي كل حاجة أنا عايزاها وهو كان جبلة، بعد فترة اتخانقت وسبت له البيت بس قالي خلاص هشتغل رجعت لقيت اخته هي اللي ب تصرف علينا وكل ما الفلوس تخلص وأقوله محتاجين فلوس ينزل ياخد من اخته 200 جنية يمشي بيها حالنا".
لم تتحمل الزوجة فكرة أن زوجها متكاسل عن العمل ويجلس في المنزل ليلاً نهارًا وشقيقته هي اللي تتحمل مصروفات منزلهم، وبعد خلافات طويلة ومشادات دامت لمدة 8 سنوات، قررت الزوجة رفع دعوى نفقة بعد ما فقدت الأمل فيه، ولا تزال الدعوى منظورة.
تابع أحدث الأخبار عبر
